Singham Again : బాలీవుడ్ స్టార్ హీరో అజయ్ దేవగన్ నటించిన సూపర్ హిట్ యాక్షన్ సిరీస్ ‘సింగమ్’. ఇందులోని తాజా భాగం ‘సింగమ్ అగైన్’ ప్రేక్షకుల ముందుకు రానుంది. దర్శకుడు రోహిత్ శెట్టి తెరకెక్కిస్తున్న ఈ చిత్రం, కాప్ యూనివర్స్ లో భాగంగా రూపొందుతోంది. ఇప్పటికే ఈ సినిమాలో రణ్‌వీర్‌ సింగ్, టైగర్‌ ష్రాఫ్, అక్షయ్‌ కుమార్, కరీనా కపూర్, దీపికా పదుకొణె వంటి స్టార్లు కీలక పాత్రలు పోషిస్తున్నారు. ఇప్పుడు ఈ లిస్టులో మరో స్టార్ జాయిన్ అయ్యారు. ఆయనే సల్మాన్ ఖాన్. ‘సింగమ్ అగైన్’లో సల్లూభాయ్ .. అతిథి పాత్రలో కనిపించనున్నారు.
సల్మాన్ ఖాన్ తన ప్రేక్షకులకు ఇష్టమైన దబంగ్ లోని పోలీస్ పాత్ర ‘చుల్‌బుల్‌ పాండే’. ఆ పాత్రలో మళ్లీ స్క్రీన్‌పై సల్మాన్ ఖాన్ కనిపించనున్నారు. మంగళవారం, ముంబైలో అజయ్ దేవగన్‌తో కలిసి సల్మాన్ షూటింగ్‌లో పాల్గొన్నారు. ఇటీవలే విడుదలైన ట్రైలర్‌తో అంచనాలు పెంచిన ఈ సినిమా వచ్చే నెల 1న ప్రేక్షకుల ముందుకు రానుంది. సింగమ్ అగైన్ చిత్రం బాలీవుడ్ అభిమానులకు పండగలాంటిది. అందరు స్టార్స్ ఒకే చిత్రంలో కనిపించడం ఇదే మొదటిసారి. ఈ సినిమా భారీ విజయాన్ని సాధిస్తుందని అంచనా వేస్తున్నారు.
