Babyjohn : బాలీవుడ్ సూపర్ స్టార్ సల్మాన్ ఖాన్ తనదైన యాక్షన్ సన్నివేశాలతో ప్రేక్షకులను అలరిస్తూనే, అతిథి పాత్రల్లో కూడా తనదైన ముద్ర వేస్తున్నారు. తాజాగా వరుణ్ ధావన్ నటిస్తున్న ‘బేబీ జాన్’ చిత్రంలో వరుణ్‌కు గురువు పాత్రలో కనిపించనున్నారు. ఈ సినిమాలో వరుణ్ ధావన్, కీర్తి సురేష్ ప్రధాన పాత్రలు పోషిస్తున్నారు. తమిళ దళపతి విజయ్ నటించిన సూపర్ హిట్ చిత్రం ‘తెరి’ కి ఇది అఫీషియల్ రీమేక్.
ఈ చిత్రం ఒక ఇంటెన్స్ యాక్షన్ థ్రిల్లర్‌గా తెరకెక్కుతుంది. సల్మాన్ ఖాన్ తన పాత్రకు సంబంధించిన చిత్రీకరణను పూర్తి చేసుకున్నారు. ఈ సినిమా క్రిస్మస్ సందర్భంగా ప్రేక్షకుల ముందుకు రానుంది. ప్రస్తుతం సల్మాన్ ఖాన్ ‘సికందర్’ చిత్రీకరణలో బిజీగా ఉన్నారు.
