Salaar release trailer : ప్రభాస్ ను మాస్ యాక్షన్ అవతార్ లో చూడాలని ఫ్యాన్స్ చాలా కాలంగా ఎదురుచూస్తున్నారు. ‘బాహుబలి’ విడుదలై ఏడేళ్లయింది, ‘సాహో’, ‘రాధే శ్యామ్’, ‘ఆదిపురుష్’ సహా ఆయన చిత్రాలు అభిమానుల ఆశలను నెరవేర్చలేకపోయాయి. ‘కెజిఎఫ్’ తర్వాత ప్రశాంత్ నీల్ చేతిలో పడితే సర్వం కొలిక్కి వస్తుందని వారు ఆశించారు. ‘సలార్’ టీజర్, ట్రైలర్ భారీ హైప్ తెచ్చాయి. ఈ ప్రాజెక్ట్ పై అంచనాలు ఊహించని విధంగా పెరిగాయి. కొంతమంది అభిమానులు ట్రైలర్ లో ప్రభాస్ ను సరిగ్గా చూపించలేదని భావించారు. అందుకే ప్రశాంత్ నీల్ రిలీజ్ ట్రైలర్ ను ఫ్యాన్స్ కు గూస్ బంప్స్ ఇచ్చేలా ఎలివేషన్స్, డ్రామా, రక్తపాతం, యాక్షన్, అంశాలతో కట్ చేసి వదిలారు. దీనికి రెస్పాన్స్ మామూలుగా లేదు. ‘సలార్’ మొదటి భాగం బెస్ట్ ఫ్రెండ్స్ ఎలా శత్రువులుగా మారతారో చూపిస్తుంది, రెండవ భాగం దాని తర్వాత ఏం జరుగుతుందో చెబుతుంది. ఇందులోని యాక్షన్ అవతార్ లో ప్రభాస్ చూడటానికి ఫ్యాన్స్ కు రెండు కళ్ళు చాలడం లేదు. ఈ సినిమా సరికొత్త రికార్డులు నెలకొల్పడం గ్యారెంటీ అని అభిమానులు భావిస్తున్నారు.
