SDT 18 : మెగా మేనల్లుడు సుప్రీమ్ హీరో సాయి దుర్గ తేజ్ తన 18వ చిత్రం ‘SDT18’తో ప్రేక్షకులను అలరించడానికి సిద్ధమవుతున్నాడు. ప్రైమ్ షో ఎంటర్‌టైన్‌మెంట్ బ్యానర్‌పై కె.నిరంజన్ రెడ్డి నిర్మిస్తున్న ఈ చిత్రానికి రోహిత్ కెపి దర్శకత్వం వహిస్తున్నారు. ఇప్పటికే ఈ సినిమా షూటింగ్ ప్రారంభమై.. తొలి షెడ్యూల్ ను పూర్తి చేసుకుంది. ఈ షెడ్యూల్‌లో భాగంగా సాయి దుర్గ తేజ్ ఇంటెన్స్ యాక్షన్ సీక్వెన్స్‌లలో నటించారు.
‘SDT18’ సినిమా కోసం మేకర్స్ భారీ ఏర్పాట్లు చేస్తున్నారు. 12 ఎకరాల్లో నిర్మించిన భారీ సెట్‌లో కీలక సన్నివేశాలను చిత్రీకరిస్తున్నారు. సాయి దుర్గ తేజ్ కెరీర్‌లోనే ఇది అత్యంత భారీ బడ్జెట్ చిత్రంగా రూపొందుతోంది. ఈ సినిమా కోసం సాయి దుర్గ తేజ్ తన లుక్‌ను పూర్తిగా మార్చేశాడు. మాస్ అవతారంలో కనిపించనున్న ఆయన, ఈ సినిమాతో తన కెరీర్‌లో మరో మైలురాయిని సృష్టించాలని భావిస్తున్నాడు.
ఐశ్వర్య లక్ష్మి ఈ చిత్రంలో హీరోయిన్‌గా నటిస్తుంది. పాన్ ఇండియా మూవీగా ఈ చిత్రాన్ని భారీ స్థాయిలో రిలీజ్ చేసేందుకు మేకర్స్ ప్లాన్ చేస్తున్నారు. సరికొత్త కాన్సెప్ట్‌తో రూపొందుతున్న ఈ సినిమా ప్రేక్షకులను అలరించడమే కాకుండా, సాయి దుర్గ తేజ్ కెరీర్‌కు కూడా మంచి బూస్ట్ ఇస్తుందని భావిస్తున్నారు.
