మెగాస్టార్ చిరంజీవి మేనల్లుడిగా టాలీవుడ్ లో హీరోగా ఎంట్రీ ఇచ్చాడు సాయిధరమ్ తేజ. ‘పిల్లానువ్వులేని జీవితం’ మొదట విడుదలై.. అతడి కెరీర్ బాగానే టేకాఫ్ అయింది. ఆ తర్వాత ‘సుబ్రహ్మణ్యం ఫర్ సేల్’ , ‘సుప్రీమ్’ చిత్రాలతో సాయిధరమ్ ఇండస్ట్రీలో మంచి గుర్తింపు తెచ్చుకున్నాడు. మావయ్యను ఇమిటేట్ చేయకుండా.. తన శైలిలో తను నటించడం మొదలు పెట్టాడు. అయితే ఆ వెంటనే తిక్క, విన్నర్, నక్షత్రం, జవాన్, ఇంటిలిజెంట్, తేజ్ ఐ లవ్ యూ చిత్రాలు ఘోర పరాజయం పాలయ్యాయి. అయితే హిట్ ప్లాపులతో సంబంధం లేకుండా వరుస సినిమాలతో తన మార్కెట్ పెంచుకునే ప్రయత్నం చేస్తూనే వస్తున్నాడు. ఈ నేపథ్యంలో కిషోర్ తిరుమల దర్శకత్వంలో వచ్చిన ‘చిత్రలహరి’ సినిమాతో బౌన్స్ బ్యాక్ అయ్యాడు తేజ్. ఆ తర్వాత వచ్చిన ‘ప్రతీరోజూ పండగే’ సినిమాతో మరో బ్లాక్ బస్టర్ అందుకున్నాడు. ఈ ఉత్సాహంతో తేజ్ ఇప్పుడు మరిన్ని సినిమాలకు కమిట్ అవుతున్నాడు.
అయితే ఈ మెగా మేనల్లుడు సోషల్ మీడియా మాధ్యమాలలో మరో మైలురాయిని చేరుకున్నాడు.సోషల్ మీడియా మాధ్యమం ఇంస్టాగ్రామ్ లో 1 మిలియన్స్ ఫాలోవర్స్ కి చేరుకున్న సాయి ధరమ్ తేజ్ ఇప్పుడు ట్విట్టర్ లో 2 మిలియన్స్ కి పైగా ఫాలోవర్స్ తో కొనసాగుతున్నాడు. ఇలా ఒకేసారి ఇంస్టాగ్రామ్ , ట్విట్టర్ లలో తేజ్ మైల్ స్టోన్ నెంబర్ ని చేరుకోవడంతో మెగా అభిమానులు ఫుల్ ఖుషీలో ఉన్నారు. ముందు ముందు వరుస సక్సెస్ లను సాధించి ఫాలోవర్స్ పెంచుకోవాలని కోరుకుంటున్నారు.
