తెలుగు సినీ చరిత్రలో మరపురాని చిత్రరాజం ‘మాయాబజార్’. కెవి రెడ్డి డైరెక్షన్‌లో 1957 లో వచ్చిన మాయాబజార్‌ను 2010 లో కలర్‌లోకి మార్చారు. అలా మార్చిన వారు సి. జగన్మోహన్‌. అందుకే మాయబజార్ జగన్మోహన్‌ గా పేరుగాంచారు. ఇప్పుడు జగన్మోహన్‌ గారు దర్శకత్వం వహించిన చిత్రం S-99 . ఈ చిత్రం సెకండ్ టీజర్ రీసెంట్‌గా లాంచ్ అయ్యింది. బిగ్‌బాస్‌ ఫేమ్ శ్వేతా వర్మ మెయిన్‌ లీడ్ చేసిన ఈ మూవీ టీజర్ కు విశేష స్పందన వస్తోంది.
మొదటి టీజర్ ను దర్శకేంద్రుడు రాఘవేంద్రరావు లాంచ్ చేసారు. ఈ చిత్ర యూనిట్‌ ను ప్రత్యేకంగా మెచ్చుకున్నారు.
టెంపుల్ మీడియా పతాకంపై రూపొందిన ఈ చిత్రం సెకండ్ టీజర్ ను మురళీ మోహన్‌ లాంచ్ చేసారు. మాయాబజార్ చిత్రాన్ని కలర్‌ పిక్చర్‌గా మార్చిన జగన్మోహన్‌ గారు కలర్‌ మాయాబజార్ తోనూ అద్భుతమైన హిట్ కొట్టారు. ఇప్పుడు ఈ చిత్రానికి డైరెక్షన్‌ చేసి అద్భుతమైన ఔట్‌ పుట్ ఇచ్చారన్నారు మురళీ మోహన్‌. మాయా బజార్‌లాగే ఈ సినిమా కూడా మంచి విజయాన్ని సాధించాలని కాంక్షించారు.
S-99 చిత్రానికి నాలుగు టీజర్‌లు రిలీజ్‌ చేయడానికి ప్లాన్ చేస్తున్నామన్నారు చిత్ర దర్శకుడు జగన్మోహన్‌. సెకండ్ టీజర్‌ను మురళీ మోహన్‌ గారు విడుదల చేయడం పట్ల సంతోషాన్ని వ్యక్తం చేసారు. త్వరలో మిగతా కార్యక్రమాలు పూర్తి చేసి రిలీజ్‌ కు సిద్దం చేస్తున్నట్టు తెలిపారు. ఈ కార్యక్రమంలో మెయిన్‌ లీడ్ శ్వేతావర్మ ప్రొడ్యూసర్‌లు యతీష్‌లు పాల్గొన్నారు.
