Robbinhood movie : యూత్ స్టార్ నితిన్ నటిస్తున్న లేటెస్ట్ యాక్షన్ కామెడీ ఎంటర్‌టైనర్ ‘రాబిన్‌హుడ్’. వెంకీ కుడుముల దర్శకత్వంలో తెరకెక్కుతున్న ఈ చిత్రం ప్రస్తుతం షూటింగ్ దశలో ఉంది. చిత్ర యూనిట్ తాజాగా విడుదల చేసిన సమాచారం ప్రకారం, ‘రాబిన్‌హుడ్’ చిత్ర షూటింగ్ చాలా వరకు పూర్తయింది. ఇంకా రెండు పాటలు, ఆరు రోజుల టాకీ భాగం మాత్రమే మిగిలి ఉంది. నితిన్, శ్రీలీల దర్శకుడు వెంకీ కుడుముల కలిసి దిగిన ఫొటోను చిత్ర యూనిట్ రిలీజ్ చేసింది.
ఈ ఎంటర్‌టైనింగ్ అడ్వెంచర్ చిత్రాన్ని క్రిస్మస్ సందర్భంగా డిసెంబర్ 20న గ్రాండ్‌గా విడుదల చేయాలని చిత్ర యూనిట్ నిర్ణయించింది. నవంబర్ మొదటి వారంలో ఈ చిత్రం టీజర్ విడుదల చేయడానికి మేకర్స్ సిద్ధమవుతున్నారు. మైత్రీ మూవీ మేకర్స్ ఈ చిత్రాన్ని భారీ బడ్జెట్‌తో నిర్మిస్తున్నారు. శ్రీలీల హీరోయిన్‌గా నటిస్తుండగా, ప్రముఖ సంగీత దర్శకుడు జివి ప్రకాష్ కుమార్ ఈ చిత్రానికి సంగీతం అందిస్తున్నారు. నితిన్ అభిమానులు ఈ చిత్రం నుండి త్వరగా త్వరగా అప్డేట్స్ రావాలని ఎదురు చూస్తున్నారు. ఈ చిత్రం అన్ని వర్గాల ప్రేక్షకులను అలరించే విధంగా ఉంటుందని చిత్ర యూనిట్ ధీమా వ్యక్తం చేస్తోంది.
