Revolver Reeta : మహానటి కీర్తి సురేశ్ ప్రధాన పాత్రలో నటించిన ఫ్యామిలీ యాక్షన్ చిత్రం రివాల్వర్ రీటా. సాధారణ జీవితం గడుపుతున్న ఓ సామాన్య అమ్మాయి అనుకోని పరిస్థితుల్లో తుపాకీ చేతపట్టాల్సి వచ్చినప్పుడు ఏం జరుగుతుందో తెలుసుకోవాలంటే.. ‘రివాల్వర్ రీటా’ సినిమా చూడాల్సిందే. కె.చంద్రు దర్శకత్వం వహిస్తున్న ఈ చిత్రం త్వరలోనే విడుదల కాబోతోంది.
కీర్తి సురేష్‌ ఓ మధ్యతరగతి కుటుంబానికి చెందిన సాధారణ అమ్మాయిగా కనిపిస్తుంది. అయితే, అనుకోని పరిస్థితుల వల్ల ఆమె జీవితం ఒక్కసారిగా మారిపోతుంది. తుపాకీ చేతపట్టాల్సి వచ్చినప్పుడు ఆమె ఎదుర్కొన్న సవాళ్లు, ఆమె జీవితంలో వచ్చిన మార్పులు ఈ చిత్రంలో ప్రధాన ఆకర్షణలు.
‘రివాల్వర్ రీటా’ ఒక కామెడీ నేపథ్యంలో సాగే యాక్షన్ థ్రిల్లర్. ఈ చిత్రంలో కీర్తి సురేష్‌ తన నటనతో ప్రేక్షకులను అలరించనుంది. ఆమెతో పాటు, సీనియర్ నటి రాధికా శరత్‌ కుమార్ కీలక పాత్ర పోషిస్తున్నారు. కీర్తి సురేష్‌ పుట్టిన రోజు సందర్భంగా ‘రివాల్వర్ రీటా’ చిత్రబృందం టీజర్‌ను విడుదల చేసింది.
ఈ టీజర్‌లో కీర్తి సురేష్‌ కొత్త అవతారంలో కనిపించింది. “రీటా స్టైల్‌ను రీలోడ్‌ చేసే సమయమిది” అనే వ్యాఖ్యతో విడుదలైన ఈ టీజర్‌ సోషల్ మీడియాలో వైరల్ అయ్యింది. ప్రస్తుతం కీర్తి సురేష్‌ తన తొలి హిందీ చిత్రం ‘బేబీ జాన్‌’ విడుదలకు సిద్ధమవుతున్నారు. ఈ చిత్రం త్వరలోనే ప్రేక్షకుల ముందుకు రానుంది.
