యంగ్ టైగర్ యన్టీఆర్ ప్రస్తుతం రాజమౌళి క్రేజీ మల్టీస్టారర్ ‘ఆర్.ఆర్.ఆర్’ లో నటిస్తోన్న సంగతి తెలిసిందే. ఈ సినిమా తర్వాత గురూజీ త్రివిక్రమ్ దర్శకత్వంలో మరోసారి నటించబోతున్నాడు. సినిమాకి ‘పోయిరావలె హస్తిన’కు అనే వెరైటీ టైటిల్ పరిశీలనలో ఉంది. ఇదిలా ఉంటే.. వీటి తర్వాత కన్నడ క్రేజీ డైరెక్టర్ ప్రశాంత్ నీల్ దర్శకత్వంలో ఒక భారీ చిత్రం మొదలు కానుంది. దీనికి సంబంధించిన కొంత ఇన్ఫర్మేషన్ యన్టీఆర్, ప్రశాంత్ నీల్ పుట్టిన రోజుల్ని పురస్కరించుకొని ప్రేక్షకులకు అందిన సంగతి తెలిసిందే.
రేడియేషన్ బ్యాక్ డ్రాప్ లో ఒక పవర్ ప్లాంట్ చుట్టూ తిరిగే కథతో ఈ సినిమా ఉంటుందన్న సంగతి వెల్లడైంది . ఫిల్మ్ నగర్ వర్గాల వారి ఇన్ఫర్మేషన్ మేరకు ..ఈ సినిమాకు రెండు టైటిల్స్ ను రిజిస్టర్ చేశారట. అందులో ఒకటి ‘మిస్సైల్’ కాగా.. రెండోది ‘న్యూక్లియర్’ అని సమాచారం. చూడాలి పవర్ ఫుల్ కాంబినేషన్ కాబట్టి టైటిల్ కూడా పవర్ ఫుల్ గా ఉండబోతుందేమో!
