Dhoom 4 : బాలీవుడ్ యాక్షన్ సినిమాల్లో ఒక మైలురాయిగా నిలిచిన ‘ధూమ్’ సిరీస్ తన నాల్గో భాగంతో ప్రేక్షకులను అలరించడానికి సిద్ధమవుతోంది. యశ్ రాజ్ ఫిల్మ్స్ ఈ సిరీస్‌ను ప్రత్యేకంగా తీర్చిదిద్దడంలో పేరుగాంచింది. ఈ నాల్గో భాగంలో బాలీవుడ్ స్టార్ హీరో రణ్‌బీర్ కపూర్ ప్రధాన పాత్రలో నటిస్తున్నట్లు తాజా సమాచారం.
నిర్మాత ఆదిత్య చోప్రాకు ‘ధూమ్’ సిరీస్ ఎంతో ప్రియమైనది. ఈ సిరీస్‌ను ప్రస్తుత కాలానికి అనుగుణంగా మార్చాలనే ఆయన తీర్మానించారు. ఈ సిరీస్‌లో ఇప్పటి వరకు లేని విధమైన సినిమాటిక్ అనుభూతిని ప్రేక్షకులకు అందించాలనే లక్ష్యంతో ఈ సినిమాను రూపొందిస్తున్నారు. రణ్‌బీర్ కపూర్ కూడా ఈ సినిమాలో నటించడానికి ఎంతో ఉత్సాహంగా ఉన్నాడు. ఈ సినిమా ఆయన కెరీర్‌లో 25వ చిత్రం కావడంతో దీన్ని ప్రత్యేకంగా రూపొందించాలని చిత్రబృందం నిర్ణయించింది. ప్రస్తుతం రణ్‌బీర్ కపూర్ ‘రామాయణ’ సినిమాలో బిజీగా ఉన్నాడు.
