RC 16 : మెగా పవర్ స్టార్ రామ్ చరణ్ కెరీర్ లో మరో పాన్ ఇండియా మూవీ RC16. ఉప్పెన ఫేమ్ బుచ్చిబాబు దర్శకత్వం వహిస్తున్న ఈ చిత్రం ప్రస్తుతం ప్రీ ప్రొడక్షన్ దశలో ఉంది. గ్లోబల్ స్థాయిలో విడుదల చేయాలనే లక్ష్యంతో భారీగా నిర్మిస్తున్న ఈ చిత్రానికి సంబంధించి ఊహాగానాలు, అప్‌డేట్‌లు వరుసగా వెలుగు చూస్తున్నాయి.
ఇటీవలే, ఈ చిత్రానికి సంగీత దర్శకుడిగా ఆస్కార్ అవార్డు గెలుచుకున్న రెహమాన్ ఎంపికైనట్లు అధికారికంగా ప్రకటించారు. దృశ్యాలను మరింత అద్భుతంగా చూపించడానికి ప్రముఖ సినిమాటోగ్రాఫర్ రత్నవేలు ఖాయం చేసుకున్నారు. దర్శకుడు బుచ్చిబాబు తన ఇద్దరు ఫేవరెట్ టెక్నీషియన్లతో కలిసి దుబాయ్ లోని ఫిర్దౌస్ స్టూడియోలో పనులు మొదలు పెట్టారు.
బాలీవుడ్ బ్యూటీ జాన్వీ కపూర్ ఈ చిత్రంలో రామ్ చరణ్ కు జోడిగా నటించనుండగా, కన్నడ స్టార్ శివ రాజ్ కుమార్ కీలక పాత్రలో కనిపించనున్నారు. మైత్రి మూవీ మేకర్స్, వృద్ధి సినిమాస్ సంయుక్తంగా నిర్మిస్తున్న ఈ చిత్రంపై భారీ అంచనాలు నెలకొన్నాయి. త్వరలోనే ఈ చిత్రానికి సంబంధించి మరింత అధికారిక సమాచారం విడుదల కానుంది.
బుచ్చిబాబు రామ్ చరణ్ ను ఈ చిత్రంలో వేరే లెవెల్లో చూపించబోతున్నారని టాక్. సినిమా కోసం ఎలాంటి రాజీలు చేయకుండా, భారీ బడ్జెట్ తో నిర్మిస్తున్నట్లు తెలుస్తోంది. ఈ చిత్రం రామ్ చరణ్ కెరీర్ లో మరో మైలురాయిగా నిలిచే అవకాశం ఉంది. RC16 పాన్ ఇండియా చిత్రం కావడంతో, రామ్ చరణ్ కి పాన్ ఇండియా స్టార్ డమ్ మరింత పెరుగుతుందని అభిమానులు ఆశిస్తున్నారు. బుచ్చిబాబు దర్శకత్వం, రెహమాన్ సంగీతం, రత్నవేలు ఛాయాగ్రహణం, జాన్వీ కపూర్, శివ రాజ్ కుమార్ తో పాటు భారీ తారాగణం ఈ చిత్రంపై అంచనాలను మరింత పెంచుతున్నాయి.
