Ram Pothineni : డైనమిక్ డైరెక్టర్ పూరి జగన్నాథ్‌ , ఎనర్జిటిక్ స్టార్ రామ్‌ పోతినేని కాంబినేషన్ లో తెరకెక్కిన చిత్రం ‘డబుల్‌ ఇస్మార్ట్‌’. ‘ఇస్మార్ట్‌ శంకర్‌’ సినిమా సూపర్‌ హిట్‌ అయిన నేపథ్యంలో ఈ సీక్వెల్‌పై అంచనాలు భారీగా ఉన్నాయి. ఈ సినిమా పూరి జగన్నాథ్‌ మార్క్‌ మాస్ ఎంటర్‌టైనర్‌గా తెరకెక్కింది. కావ్య థాపర్‌ హీరోయిన్ గా నటిస్తుండగా.. సంజయ్‌ దత్‌ విలన్ గా నటిస్తున్నారు. ఈ చిత్రం ఆగస్టు 15న ప్రేక్షకుల ముందుకు రానుంది. ఈ నేపథ్యంలో ఈ సినిమా ట్రైలర్ ను భారీ ఎత్తున లాంచ్ చేశారు.
ట్రైలర్ విషయానికొస్తే.. రామ్‌ పాత్ర ‘తలకి యూఎస్‌బీ పోర్ట్‌ పెట్టుకుని తిరుగుతున్న ఒకే ఒక్క ఇడియట్‌’ అని ఇంట్రడ్యూస్ అవుతుంది. ఉస్తాద్‌ ఇస్మార్ట్‌ శంకర్‌ అలియాస్‌ డబుల్‌ ఇస్మార్ట్‌గా రామ్‌ మాస్ యాక్షన్‌తో అలరించారు. కావ్య థాపర్‌తో రామ్‌ మధ్య నడిచే లవ్‌ ట్రాక్‌ మరియు వారిద్దరి కెమిస్ట్రీ ట్రైలర్‌లో హైలైట్‌గా నిలిచింది. సంజయ్‌ దత్‌ బిగ్‌బుల్‌ అనే శక్తిమంతమైన పాత్రలో కనిపించనున్నారు. ఆయన మెదడులోని జ్ఞాపకాలు రామ్‌ మెదడులోకి ప్రవేశించడంతో కథ ఎలా సాగుతుందో తెలియాలంటే సినిమా చూడాల్సిందే.
“ఇప్పటి వరకు పూరి జగన్నాథ్‌ చేసిన సినిమాలన్నింటి కంటే ఎక్కువ టైమ్‌ తీసుకుని చేసిన చిత్రమిది. కమర్షియల్‌ సినిమా హిట్టయితే దాంట్లో వచ్చే కిక్కే వేరు. అది ‘ఇస్మార్ట్‌ శంకర్‌’తో అప్పుడు చూశాను. మళ్లీ ‘డబుల్‌ ఇస్మార్ట్‌’తో ఆ కిక్‌ ఉంటుందని ఆశిస్తున్నా” అని రామ్‌ పేర్కొన్నారు. పూరి జగన్నాథ్‌ అంటేనే మాస్ ఎంటర్‌టైనర్స్‌. ‘ఇస్మార్ట్‌ శంకర్‌’ సినిమాతో ఆయన మళ్లీ ఫామ్‌లోకి వచ్చారు. అందుకే ‘డబుల్‌ ఇస్మార్ట్‌’పై అంచనాలు పెరిగాయి. మణిశర్మ సంగీతం ఈ సినిమాకు మరో ఆకర్షణ. ఆయన అందించిన పాటలు ఇప్పటికే యూత్‌ను అలరిస్తున్నాయి.
‘
