Ram Pothineni : తెలుగు చిత్ర పరిశ్రమలో ఎప్పటి నుంచో ప్రచారంలో ఉన్న హరీష్ శంకర్, రామ్ కాంబినేషన్ సినిమా ఫైనల్ అయింది. రీసెంట్ గా జరిగిన ‘మిస్టర్ బచ్చన్’ సాంగ్ లాంచ్ ఈవెంట్ లో హరీష్ శంకర్ ఈ విషయాన్ని అధికారికంగా ప్రకటించారు. హరీష్ శంకర్ తన మెంటర్ పూరి జగన్నాథ్‌తో పోటీపడటం లేదని స్పష్టం చేశారు.
పూరి జగన్నాథ్ దర్శకత్వంలో రామ్ నటించిన ‘డబుల్ ఇస్మార్ట్’ సినిమాతో తన సినిమా ఒకే రోజు విడుదల కావడం గురించి మాట్లాడుతూ, ఇండస్ట్రీలో కొన్ని విషయాలు మన చేతిలో ఉండవని, తప్పనిసరి పరిస్థితుల్లో ఈ విడుదల తేదీకి రావాల్సి వచ్చిందని తెలిపారు. రెండు సినిమాలు పెద్ద హిట్లు అవ్వాలని ఆకాంక్షించారు. రామ్ తనకు చాలా క్లోజ్ అని చెప్పిన హరీష్ శంకర్ రామ్ తో తన సినిమాను ‘జవాన్’ సినిమా నిర్మాత కృష్ణ కొమ్మలపాటి నిర్మిస్తున్నారని వెల్లడించారు.
