Raju Yadav : టాలెంటెడ్ నటుడు, కమెడియన్ గెటప్ శ్రీను లేటెస్ట్ మూవీ రాజు యాదవ్ . ఈ చిత్రానికి కొత్త దర్శకుడు కృష్ణమాచారి దర్శకత్వం వహిస్తున్నారు. ఈ చిత్రం మే 24,న థియేటర్లలో విడుదల కానుంది. గెటప్ శ్రీను ఈ చిత్రంలో లీడ్ పాత్రలో నటిస్తున్నారు. అంకితా ఖరత్ కథానాయికగా నటిస్తుండగా, ఆనంద చక్రపాణి, రాకెట్ రాఘవ, మిర్చి హేమంత్, జబర్దస్త్ సన్నీ, సంతోష్ కల్వచెర్ల తదితరులు ముఖ్య పాత్రల్లో నటిస్తున్నారు.
ఈ చిత్రం తాజాగా సెన్సార్ కార్యక్రమాలను పూర్తి చేసుకుని యు/ఎ సర్టిఫికేట్‌ను పొందింది. సాయి వరుణవి క్రియేషన్స్, చరిష్మా డ్రీమ్స్ ఎంటర్టైన్మెంట్స్ బ్యానర్లపై కె. ప్రశాంత్‌రెడ్డి, రాజేష్ కల్లేపల్లి సంయుక్తంగా ఈ చిత్రాన్ని నిర్మిస్తున్నారు. హర్షవర్ధన్ రామేశ్వర్, సురేష్ బొబ్బిలి ఈ చిత్రానికి సంగీతం అందిస్తున్నారు. ఈ చిత్రం గెటప్ శ్రీను కెరీర్‌లో మరో మైలురాయిగా నిలవడానికి అవకాశం ఉంది. గతంలో ఆయన నటించిన చిత్రాలు మంచి విజయం సాధించాయి. ఈ చిత్రం పై కూడా ప్రేక్షకుల్లో మంచి అంచనాలున్నాయి.
