Rajtharun : టాలీవుడ్ యువ హీరో రాజ్ తరుణ్ కొత్త లుక్‌తో ప్రేక్షకులను అలరించడానికి సిద్ధమవుతున్నాడు. సన్ రైజ్ ఎంటర్టైన్మెంట్ బ్యానర్ పై నిర్మితమవుతున్న “రామ్ భజరంగ్” చిత్రంలో రాజ్ తరుణ్ మాస్ అవతారం ఆశ్చర్యపరుస్తోంది. ఈ చిత్రంలో సందీప్ మాధవ్ కూడా కీలక పాత్ర పోషిస్తున్నాడు. వీరిద్దరి కాంబినేషన్ ప్రేక్షకులను ఆకట్టుకుంటుందని భావిస్తున్నారు.
‘గదర్ 2’ ఫేమ్ సిమ్రత్ కౌర్ ఈ చిత్రంలో హీరోయిన్‌గా నటిస్తుంది. బిచ్చగాడు ఫేమ్ సట్న టీటస్, ఛాయా దేవి, మానసా రాధాకృష్ణన్ కూడా ఈ చిత్రంలో కీలక పాత్రలు పోషిస్తున్నారు. రాజా రవీంద్ర, రవి శంకర్, షఫీ, శివరామరాజు వెంకట్, సత్యం రాజేష్, ధనరాజ్, రచ్చ రవి, ఐశ్వర్య వంటి నటులు కూడా ఈ చిత్రంలో నటిస్తున్నారు.
సి.హెచ్.సుధీర్ రాజు ఈ చిత్రానికి దర్శకత్వం వహిస్తున్నాడు. స్వాతిసుధీర్ ఈ చిత్రాన్ని సన్ రైజ్ ఎంటర్టైన్మెంట్ బ్యానర్ పై నిర్మిస్తున్నారు. మణిశర్మ ఈ చిత్రానికి సంగీతం అందిస్తున్నాడు. ఈ చిత్రం పాన్ ఇండియా లెవెల్‌లో విడుదల చేయాలని మేకర్స్ భావిస్తున్నారు. చిత్రీకరణ దాదాపు పూర్తి అయింది. దసరా సందర్భంగా చిత్ర యూనిట్ ఫస్ట్ లుక్ పోస్టర్‌ను విడుదల చేసింది. ఫస్ట్ లుక్ పోస్టర్ చాలా మాస్ గా కనిపిస్తుంది.
