Rajanikanth : జైలర్ తో ఫుల్ ఫామ్ లోకి వచ్చిన రజనీకాంత్, ప్రస్తుతం వెట్టైయాన్ సినిమా షూటింగ్ లో బిజీగా ఉన్నారు. జై భీమ్ లాంటి అద్భుత చిత్రానికి దర్శకత్వం వహించిన టి.జె. ఙ్ఞాన్‌వేల్ ఈ సినిమాకు దర్శకత్వం వహిస్తున్నారు. ఈ పాన్ ఇండియా చిత్రంలో బాలీవుడ్ నుంచి అమితాబ్ బచ్చన్, టాలీవుడ్ నుంచి రానా దగ్గుబాటి, మాలీవుడ్ నుంచి ఫహాద్ ఫాజిల్, మంజు వారియర్ వంటి తారాగణం నటిస్తున్నారు.
లైకా ప్రొడక్షన్స్ భారీ బడ్జెట్ తో నిర్మిస్తున్న ఈ చిత్రం షూటింగ్ లో రజనీకాంత్ పాల్గొన్న భాగం పూర్తి అయ్యింది. ఈ సినిమాను అక్టోబర్ లో విడుదల చేయడానికి సిద్ధం చేస్తున్నారు. ఏడు పదుల వయసు దాటినా కూడా, యువ హీరోలకు ధీమాగా సినిమాలు చేస్తూ దూకుడు పెంచుతున్నారు రజనీకాంత్. వెట్టైయాన్ తరువాత, లోకేష్ కనకరాజ్ దర్శకత్వంలో కూలీ సినిమాలో నటించబోతున్నారు.
