Pushpa 2 : ఐకాన్ స్టార్ అల్లు అర్జున్ అభిమానులకు గుడ్‌న్యూస్. బ్రిలియంట్ డైరెక్టర్ సుకుమార్ దర్శకత్వంలోని భారీ బడ్జెట్ సినిమా ‘పుష్ప 2’ షూటింగ్ పూర్తయింది. ప్రస్తుతం పోస్ట్-ప్రొడక్షన్ పనులు జోరుగా సాగుతున్నాయి. ఈ సినిమాలోని కొన్ని కీలక సన్నివేశాల వీఎఫ్ఎక్స్ పనుల కోసం యూరప్‌కి చిత్ర బృందం యూరప్ కు వెళ్ళబోతున్నట్టు తెలుస్తోంది.
‘పుష్ప-2’ సినిమా కథ పలు దేశాల నేపథ్యంలో సాగుతుండటంతో, సినిమాకు అంతర్జాతీయ స్థాయిలో వీఎఫ్ఎక్స్ పనులు అవసరం. దీనికోసం యూరప్‌లోని ప్రముఖ వీఎఫ్ఎక్స్ సంస్థను నియమించుకున్నట్లు సమాచారం. ఈ సంస్థ సినిమాకు అద్భుతమైన వీఎఫ్ఎక్స్ అందించి, సినిమాను మరింత అద్భుతంగా తీర్చిదిద్దుతుందని భావిస్తున్నారు.
పుష్ప-2 సినిమాలో అల్లు అర్జున్, రష్మిక మందన్న, ఫహాద్ ఫాజిల్, సునీల్, అనసూయ, అజయ్ తదితరులు కీలక పాత్రలు పోషించారు. దేవి శ్రీ ప్రసాద్ సంగీతం అందించిన ఈ సినిమాను మైత్రీ మూవీ మేకర్స్ నిర్మించారు. పుష్ప-2 సినిమాను డిసెంబర్ 6న ప్రపంచ వ్యాప్తంగా గ్రాండ్‌గా విడుదల చేయాలని చిత్ర యూనిట్ భావిస్తోంది.పుష్ప-1 సినిమా భారీ విజయం సాధించిన నేపథ్యంలో, పుష్ప-2 సినిమాపై అంచనాలు అమాంతం పెరిగాయి. సుకుమార్ దర్శకత్వంలో తెరకెక్కిన ఈ సినిమా మరోసారి తెలుగు సినిమా ఇండస్ట్రీకి ప్రతిష్ట తెచ్చిపెడుతుందని అభిమానులు ఆశిస్తున్నారు.
