డిసెంబర్ 6 న టాలీవుడ్ లో మరచిపోలేని ఒక వేడుక జరగబోతోంది. అదేనండీ ‘పుష్ప 2’ విడుదల. ఈ సినిమా విడుదలకు సరిగ్గా ఇంకా 50 రోజుల సమయం మాత్రమే మిగిలి ఉంది. ఐకాన్ స్టార్ అల్లు అర్జున్, బ్రిలియంట్ డైరెక్టర్ సుకుమార్ కాంబినేషన్‌లో తెరకెక్కుతోన్న ఈ సినిమాపై ఇండియా వైడ్ గా ఉన్న అంచనాలు అంతా ఇంతా కావు. ఈ సినిమాతో ఏ రేంజ్ లో రికార్డులు బద్దలవుతాయి అనే ఆసక్తి అందరిలోనూ ఉంది.
మేకర్స్ ఇటీవల విడుదల చేసిన పోస్టర్‌లో ఐకాన్ స్టార్ అల్లు అర్జున్ ఓ సింహాసనంపై కూర్చుని పుష్పరాజ్‌గా అద్భుతంగా రివీల్ అయ్యాడు. ఈ పోస్టర్‌ సోషల్ మీడియాలో వైరల్‌గా మారింది. పుష్ప-2 ది రూల్‌ సినిమా భారతీయ సినిమా చరిత్రలో ఓ కొత్త అధ్యాయాన్ని లిఖించబోతోందని మేకర్స్ హింట్ ఇచ్చారు. ప్రతి సీన్‌ కూడా ప్రేక్షకులను థ్రిల్ చేసేలా ఉంటుందని చెబుతున్నారు మేకర్స్.
‘పుష్ప: ది రైజ్’ సినిమాతో బార్డర్లు దాటిన ఇమేజ్‌ను సొంతం చేసుకున్న అల్లు అర్జున్, ఈ సినిమాలో మరింత అద్భుతమైన నటనతో ప్రేక్షకులను అలరించేందుకు సిద్ధమవుతున్నాడు. దర్శకుడు సుకుమార్ తనదైన శైలిలో ఈ సినిమాను తెరకెక్కిస్తున్నాడు. సుకుమార్ టేకింగ్‌, మేకింగ్ కోసం అందరూ ఎంతగానో ఎదురుచూస్తున్నారు.
దేవి శ్రీ ప్రసాద్‌ అందించిన పాటలు ఈ సినిమాకు మరో ఆకర్షణ. ఇప్పటికే విడుదలైన రెండు పాటలకు అద్భుతమైన స్పందన లభించింది. ప్రతి ప్రమోషనల్‌ కంటెంట్‌ కూడా అంతే క్రేజీతో రాబోతుందని మేకర్స్ తెలిపారు.
పుష్ప-2 ది రూల్‌ సినిమా కంటెంట్‌ పరంగానే కాకుండా టెక్నికల్‌గా కూడా అత్యున్నత స్థాయిలో ఉంటుందని మేకర్స్ చెబుతున్నారు. ప్రస్తుతం షూటింగ్‌ చివరి దశలో ఉన్న ఈ సినిమా, నిర్మాణానంతర పనులను కూడా శరవేగంగా జరుపుకుంటోంది. ఇటీవలే ఈ చినిమాకు సంబంధించిన ఫస్ట్‌హాఫ్‌ పర్‌ఫెక్ట్‌గా లాక్ అయిన సంగతి తెలిసిందే.
