SSMB29 movie : సూపర్ స్టార్ మహేష్ బాబు, దర్శకధీరుడు ఎస్.ఎస్. రాజమౌళి కాంబోలో తెరకెక్కబోతున్న సినిమా ప్రస్తుతం తెలుగు సినీ వర్గాల్లో హాట్ టాపిక్ గా మారింది. SSMB29 వర్కింగ్ టైటిల్ తో పిలుచుకుంటున్న ఈ చిత్రం.. ఒక పాన్-వరల్డ్ సినిమాగా రూపొందనుంది. రాజమౌళి ఈ చిత్రాన్ని హాలీవుడ్ స్థాయిలో భారీ బడ్జెట్‌తో నిర్మించాలని భావిస్తున్నారు.
ఈ సినిమా కేవలం పాన్-ఇండియా మార్కెట్‌ను మాత్రమే కాకుండా, ప్రపంచవ్యాప్తంగా ప్రేక్షకులను ఆకట్టుకునేలా ఉంటుందని అంచనా వేస్తున్నారు. అందుకే ఈ భారీ ప్రాజెక్ట్‌కు సినిమాటోగ్రాఫర్‌గా పి.ఎస్. వినోద్‌ను అధికారికంగా ఎంపిక చేశారు. వినోద్ గతంలో ‘అల వైకుంఠపురములో’, ‘విక్రమ్ వేద’, ‘సీతారామం’, ‘గుంటూరు కారం’ వంటి సూపర్ హిట్ చిత్రాలకు కెమెరా వహించారు. ఆయన చేరికతో ఈ సినిమాకు మరింత బలం చేకూరింది.
ఈ సినిమాలో వీఎఫ్ఎక్స్ అండ్ గ్రాఫిక్స్ పనులను అంతర్జాతీయ స్థాయి నిపుణులు నిర్వహించనున్నారు. రాజమౌళి తన సినిమాలకు ఎంతో ప్రాధాన్యతనిచ్చే వీఎఫ్ఎక్స్ విషయంలో ఈ సినిమా కూడా అత్యుత్తమంగా ఉంటుందని అంచనా. ఈ సినిమా కథాంశం ప్రపంచాన్ని కదిలించే అద్భుతమైన జంగిల్ అడ్వెంచర్ నేపథ్యంలో సాగుతుంది. మహేష్ బాబు పాత్ర హిందూ పురాణాలలోని హనుమంతుని పాత్ర నుంచి స్ఫూర్తి పొందిన‌ది అని కూడా వార్తలు వినిపిస్తున్నాయి. ఈ కథను రాజమౌళి తండ్రి విజయేంద్ర ప్రసాద్ రూపొందించారు.
ఈ సినిమాలో మలయాళ సూపర్ స్టార్ పృథ్వీరాజ్ సుకుమారన్ ప్రధాన ప్రతినాయకుడిగా నటించే అవకాశం ఉందని పుకార్లు ఉన్నాయి. అయితే ఈ చిత్రానికి సంబంధించిన నటీనటుల ఎంపికపై అధికారిక ధృవీకరణ ఇంకా రావాల్సి ఉంది.
మహేష్ బాబు మరియు రాజమౌళి కాంబోలో తెరకెక్కుతున్న ఈ సినిమా తెలుగు సినీ చరిత్రలో ఒక మైలురాయిగా నిలుస్తుందని అంచనా. ఈ సినిమా ప్రపంచవ్యాప్తంగా ప్రేక్షకులను ఆకట్టుకుని తెలుగు సినిమా ప్రతిష్టను మరింత పెంచుతుందని ఆశిద్దాం.
