Preminchoddu : అనురూప్, దేవా మలిశెట్టి, సారిక, మానస మెయిన్ రోల్స్ లో నటించిన చిత్రం ప్రేమించొద్దు. శిరిన్ శ్రీరామ్ కేఫ్ బ్యానర్‌పై రూపొందుతున్న ఈ చిత్రానికి శిరీన్ శ్రీరామ్ దర్శకత్వం వహిస్తున్నారు. పల్లెటూరి నేపథ్యంలో సాగే టీనేజ్ లవ్ స్టోరీ ఇది. ఈ సినిమా సెన్సార్ కార్యక్రమాలను పూర్తి చేసుకుంది. తెలుగు, తమిళం, కన్నడ, మలయాళం, హిందీ భాషల్లో నిర్మించారు. తెలుగు వెర్షన్ ను ముందు గా జూన్ 7న విడుదల చేస్తున్నారు. తెలుగు లో విడుదల చేసిన తర్వాత, త్వరలో త‌మిళ, కన్నడ, మలయాళ, హిందీ భాషల్లో రిలీజ్ చేయ‌టానికి ప్లాన్ చేస్తున్నారు మేకర్స్.
ఈ సందర్భంగా దర్శక నిర్మాత శిరీన్ శ్రీరామ్ మాట్లాడుతూ.. ‘‘నిజమైన ప్రేమకు, ఆకర్షణకు మధ్య తేడా తెలియక చాలా మంది యువత తప్పులు చేస్తుంటారు. వారి జీవితాలపై విపరీతమైన ప్రభావం చూపుతుందనే కారణంతో ప్రేమించొద్దు సినిమాను చూపించాం. పాన్ ఇండియా రేంజ్ లో విడుదలవుతున్న తొలి స్వతంత్ర చిత్రం ఇదే. అందరినీ హత్తుకునే కథాంశంతో తెరకెక్కిన సినిమా కనుక జూన్ 7న తెలుగు, హిందీ, తమిళం, కన్నడ, మలయాళ భాషల్లో చిత్రాన్ని స్క్రీన్ మ్యాక్స్ పిక్చర్స్ డిస్ట్రిబ్యూషన్స్ ద్వారా విడుదల చేయడానికి సన్నాహాలు చేస్తున్నాం అన్నారు.
