Prathinidhi 2 : టాలీవుడ్ టాలెంటెడ్ హీరో నారా రోహిత్ చాన్నాళ్ళ తర్వాత మళ్ళీ నటించిన సినిమా “ప్రతినిధి-2”. ఈ చిత్రం మే 10న థియేటర్లలోకి రానుంది. పదేళ్ల క్రితం రిలీజైన “ప్రతినిధి” సినిమాకు సీక్వెల్ గా ఈ చిత్రం తెరకెక్కింది. సీనియర్ జర్నలిస్ట్ మూర్తి ఈ చిత్రానికి దర్శకత్వం వహించారు.
ఈ చిత్రంలో నారా రోహిత్ సమకాలీన రాజకీయాలపై ప్రశ్నలు సంధించే జర్నలిస్ట్ పాత్రలో నటించాడు. వాస్తవానికి ఈ చిత్రం ఫిబ్రవరిలో రిలీజ్ అవుతుందని వార్తలు వచ్చాయి. ఆ తర్వాత ఏప్రిల్ 25వ తేదీన విడుదల చేయనున్నట్లు తెలిపారు మేకర్స్ . కానీ సెన్సార్ ఫార్మాలిటీస్ పూర్తి కాకపోవడం వల్ల మూవీ రిలీజ్ వాయిదా పడింది.
ఇప్పటికే విడుదలైన టీజర్, ట్రైలర్, పోస్టర్స్ ప్రేక్షకుల నుంచి మంచి స్పందనను అందుకున్నాయి. మూవీపై హైప్ క్రియేట్ చేశాయి. తాజాగా ఈ సినిమా సెన్సార్ ఫార్మాలిటీస్ పూర్తి చేసుకుంది. సెన్సార్ బోర్డు అధికారుల నుంచి ప్రతినిధి-2 మూవీ యూ/ఏ సర్టిఫికెట్ అందుకున్నట్లు మేకర్స్ అధికారికంగా ప్రకటించారు. సినిమా రన్ టైమ్ 136 నిమిషాలు (2 గంటల 16 నిమిషాలు) గా ప్రకటించారు.
ఈ మూవీని వానరా ఎంటర్టైన్మెంట్స్, రానా ఆర్ట్స్ బ్యానర్లపై కుమార్ రాజా బత్తుల, ఆంజనేయులు శ్రీ తోట, సురేంద్రనాథ్ బొల్లినేని సంయుక్తంగా నిర్మిస్తున్నారు. మహతి స్వర సాగర్ సంగీతాన్ని అందిస్తున్నారు.
