Prabhas : తెలుగు చిత్ర పరిశ్రమలో ప్రస్తుతం అత్యంత బిజీగా ఉన్న హీరోల్లో ప్రభాస్ ఒకరు. ఒకవైపు పలు భారీ బడ్జెట్ చిత్రాలలో నటిస్తూ, మరోవైపు తన ఫ్యాన్ ఫాలోయింగ్‌ను మరింత పెంచుకుంటూ దూసుకుపోతున్నారు. ప్రస్తుతం మారుతి దర్శకత్వంలో రూపొందుతున్న ‘రాజాసాబ్’ చిత్రం వచ్చే ఏడాది సమ్మర్ లో ప్రేక్షకుల ముందుకు రానుంది. ఈ చిత్రం షూటింగ్ దాదాపుగా పూర్తయింది. మారుతి తనదైన కామెడీ టైమింగ్‌తో ప్రేక్షకులను ఎంతగా ఆకట్టుకున్నారో తెలిసిందే. ప్రభాస్ కామెడీ రోల్‌లో కనిపించబోతున్న ఈ చిత్రంపై ప్రేక్షకుల్లో భారీ అంచనాలు నెలకొన్నాయి.
‘సీతారామం’ సినిమాతో మంచి విజయం సాధించిన హను రాఘవపూడి దర్శకత్వంలో ప్రభాస్ నటిస్తున్న ‘ఫౌజీ’ చిత్రం ప్రస్తుతం తెలుగు చిత్ర పరిశ్రమలో హాట్ టాపిక్ గా మారింది. ఈ చిత్రంలో ప్రభాస్ ఒక ఆర్మీ ఆఫీసర్‌గా కనిపించబోతున్నట్లు తెలుస్తోంది. హను రాఘవపూడి తన ప్రతి సినిమాలోనూ కొత్త ప్రయోగాలు చేస్తూ ప్రేక్షకులను అలరిస్తారు. ఈ సినిమాలోనూ ఆయన ఏ విధమైన కథను చెప్పబోతున్నాడు అన్నది ఆసక్తిగా మారింది.
‘ఫౌజీ’ చిత్రం షూటింగ్ ప్రస్తుతం హైదరాబాద్‌ శివారులో వేసిన భారీ సెట్టింగ్‌లో జరుగుతోంది. ప్రభాస్ తన బర్త్‌డే వేడుకల్లో పాల్గొన్న తర్వాత అక్టోబర్ 25 నుంచి ఈ చిత్రం షూటింగ్‌లో జాయిన్ అవుతున్నారు. మేకర్స్‌ ఈ సినిమాను వచ్చే ఏడాది ప్రేక్షకుల ముందుకు తీసుకురావాలని భావిస్తున్నారు.
‘కల్కి’, ‘సలార్’ వంటి భారీ బడ్జెట్ చిత్రాలకు సీక్వెల్స్ కూడా రూపొందనున్నాయి. అలాగే, అర్జున్ రెడ్డి, యానిమల్‌ సినిమాల దర్శకుడు సందీప్ రెడ్డి వంగ దర్శకత్వంలో స్పిరిట్‌ సినిమాకు సంబంధించిన ప్రీ ప్రొడక్షన్ వర్క్ జరుగుతోంది. ఈ విధంగా ప్రభాస్ వరుస సినిమాలతో ప్రేక్షకులను అలరించేందుకు సిద్ధమవుతున్నారు.
