Pottel trailer : సాహిత్ మోత్ఖూరి దర్శకత్వంలో యువ చంద్ర కృష్ణ, అనన్య నాగళ్ల నటించిన చిత్రం”పొట్టేల్”. తాజాగా హీరోయిన్ సంయుక్త మీనన్ చేతుల మీదుగా ఈ సినిమా ట్రైలర్ ను వదిలారు మేకర్స్. ఈ చిత్రం తెలంగాణ గ్రామీణ నేపథ్యంలో సాగే కథాంశంతో ఆకట్టుకుంటుంది. విద్య కోసం తండ్రి చేసే పోరాటం, మూఢనమ్మకాలకు వ్యతిరేకంగా నిలబడటం ఈ చిత్రం యొక్క ప్రధాన అంశాలు.
హీరో తన కూతురి చదువు కోసం ఎంతటి కష్టాలు పడ్డాడో ట్రైలర్ చూపిస్తుంది. గ్రామంలో వెలసిన మూఢనమ్మకాలకు వ్యతిరేకంగా హీరో కుటుంబం ఎలా పోరాడుతుందో చూపిస్తుంది. విద్య ఎంతో ముఖ్యమని, అది ప్రతి ఒక్కరి హక్కు అని ట్రైలర్ స్పష్టం చేస్తుంది. యువ చంద్ర కృష్ణ తండ్రి పాత్రలో, అనన్య నాగళ్ల భార్య పాత్రలో అద్భుతంగా నటించారు. చైల్డ్ ఆర్టిస్ట్ కూడా తన నటనతో ఆకట్టుకుంది. అజయ్ ఇంటెన్స్ పాత్రలో అదరగొట్టాడు. మోనిష్ భూపతి రాజు కెమెరా పనితనం, శేఖర్ చంద్ర బ్యాక్‌గ్రౌండ్ స్కోర్, పెంచల్ దాస్ వాయిస్ ఈ చిత్రానికి మరింత బలం చేకూర్చాయి. పొట్టేల్ చిత్రం అక్టోబర్ 25న ప్రేక్షకుల ముందుకు రానుంది.
