‘మ‌హాన‌టి’తో జాతీయ అవార్డ్ ద‌క్కించుకున్న కీర్తిసురేశ్ న‌టిగా మ‌రో మెట్టు ఎదిగింది. ఆ తర్వాత ఈమె ‘మ‌న్మ‌థుడు 2’లో చిన్న అతిథి పాత్ర‌లో నటించింది. ఆ తర్వాత మ‌రో సినిమాలో న‌టించ‌లేదు. ఈమె ప్ర‌ధాన పాత్ర‌లో న‌టించిన ‘మిస్ ఇండియా’, ‘పెంగ్విన్’ చిత్రాలు విడుద‌ల‌కు సిద్ధమ‌వుతున్న స‌మయంలో క‌రోనా ప్ర‌భావం సినీ ఇండ‌స్ట్రీని తాకింది. దీంతో ఆ రెండు సినిమా విడుద‌ల‌లు ఆగిపోయాయి.
తాజా స‌మాచారం మేర‌కు కీర్తిసురేశ్ ప్ర‌ధాన పాత్ర‌లో న‌టించిన ‘పెంగ్విన్’ సినిమాను థియేట‌ర్స్‌లో కాకుండా ఓటీటీ మాధ్య‌మ‌మైన అమెజాన్ ప్రైమ్‌లో విడుద‌ల చేయ‌బోతున్నార‌ట. జూన్ 19న ఓటీటీలో ప్రసారం కానున్నట్టు అధికారికంగా ప్రకటించారు. కార్తీక్ సుబ్బరాజ్ నిర్మాణంలో ఈశ్వర్ కార్తీక్ ఈ చిత్రాన్ని తెరకెక్కించారు.
