Harihara Veeramallu : పవర్ స్టార్ పవన్ కళ్యాణ్ సినిమాలు, రాజకీయాల మధ్య సమయాన్ని సమతుల్యం చేసుకుంటూ.. తన అభిమానులను అలరించడమే థ్యేయంగా పెట్టుకున్నారు. డిప్యూటీ సీయం అయిన తర్వాత తను నటించే సినిమాల షూటింగ్స్ కు బ్రేకిచ్చారు. ఎట్టకేలకు ఇప్పుడు.. హోల్డ్ లో ఉన్న షూటింగ్స్, తదితర అంశాలపై దృష్టి సారించారు. తన అభిమానుల కోరిక మేరకు, ఆయన తన వచ్చే ప్రాజెక్టులను పూర్తి చేయాలని నిర్ణయించుకున్నారు.
ప్రస్తుతం చిత్రీకరణ జరుపుకుంటున్న ‘హరిహర వీరమల్లు’ జానపద చిత్రం పై అందరి దృష్టి ఉంది. మొగల్ సామ్రాజ్యం నేపథ్యంలో రూపొందుతున్న ఈ చిత్రం పిరియాడిక్ జోనర్‌లో తెరకెక్కుతుంది. క్రియేటివ్ డైరెక్టర్ క్రిష్ జాగర్లమూడితో ప్రారంభమైన ఈ చిత్రం, ప్రస్తుతం జ్యోతి కృష్ణ దర్శకత్వంలో పూర్తి అవుతోంది.
‘హరిహర వీరమల్లు’ చిత్రంలో ఒక ప్రత్యేకమైన గీతం ఉంటుందని ఎప్పటి నుండో వార్తలు వినిపిస్తున్నాయి. తాజాగా ఈ వార్త నిజమే అని తెలిసింది. అంతేకాదు, ఈ గీతాన్ని పవన్ కళ్యాణే స్వయంగా పాడారు. ఆయన కేవలం ఒక గంటలోనే ఈ పాటను పూర్తి చేశారని తెలుస్తోంది.
‘హరిహర వీరమల్లు’ చిత్రానికి ఎమ్.ఎమ్. కీరవాణి సంగీతాన్ని అందిస్తున్నారు. ఆయన నేతృత్వంలోనే పవన్ కళ్యాణ్ ఈ పాటను పూర్తి చేశారు. ఈ పాట చాలా కష్టమైనప్పటికీ, పవన్ కళ్యాణ్ సులభంగా దీన్ని పూర్తి చేశారని సమాచారం. జాక్వెలిన్ ఫెర్నాండెజ్, నిధి అగర్వాల్ హీరోయిన్లుగా నటిస్తున్న ఈ చిత్రం 2024 మార్చి 28న పాన్ ఇండియా స్థాయిలో విడుదల కానుంది.
