మెగాస్టార్ చిరంజీవి నటించిన ‘పసివాడి ప్రాణం’ సినిమా ఏ రేంజ్ లో బ్లాక్ బస్టర్ అయిందో తెలిసిందే. ఈ సినిమా అప్పట్లో మెగాస్టార్ కెరీర్ నే మలుపు తిప్పింది. విజయశాంతి, కన్నడ ప్రభాకర్, రఘువరన్, బాబ్ ఆంటోనీ, ప్రసాద్ బాబు, అల్లు రామలింగయ్య, రాజ్యలక్ష్మి, గుమ్మడి, మమత, సుమలత తదితరులు నటించిన ఈ సినిమా 1987 జూలై 23 న విడుదలైంది. .కోదండరామిరెడి తెరకెక్కించిన ఈ సినిమా ఒక మలయాళ చిత్రానికి రీమేక్ అని తెలుసా? మమ్ముట్టి హీరోగా ఫాజిల్ తెరకెక్కించిన ‘పూవిను పుదియ పూంతెన్నల్’ మాలీవుడ్ బాక్సాఫీస్ ను షేక్ చేసింది. ఇదే సినిమా తమిళంలో సత్యరాజ్ హీరోగా ‘పూవిళివాసలిలే’ గా రీమేక్ అయింది. అలాగే హిందీలో గోవిందా హీరోగా ‘హత్య’ పేరుతో రీమేక్ అయింది. అయితే ఈ నాలుగు బాషల్లోనూ నోరులేని పసివాడిగా మాస్టర్ సుజిత్ గా పరిచయమైన సుజితనే నటించడం విశేషం.
