మంత్ర , మంగళ లాంటి లేడీ ఓరియెంటెడ్‌ హర్రర్‌ థ్రిల్లర్స్‌తో టాలీవుడ్‌ లో స్పెషల్ ఇమేజ్‌ క్రియేట్ చేసుకున్న దర్శకుడు ఓషో తులసీరామ్. ఇప్పుడు మరో థ్రిల్లర్‌ను ఆడియెన్స్‌ ముందుకు తీసుకురాబోతున్నాడు. ఈ చిత్రం పేరు ‘దక్షిణ’. సాయిధన్సిక ప్రధాన పాత్రలో అశోక్‌షిండే నిర్మాతగా కల్ట్ కాన్సెప్ట్‌ బ్యానర్‌ లో ఓషో తులసీరామ్ ఈ చిత్రాన్ని డైరెక్ట్ చేసారు. రీసెంట్ గా దక్షిణ చిత్రం చిత్రీకరణ పూర్తయింది.
దక్షిణ చిత్రం పూర్తి స్థాయి సైకో థ్రిల్లర్‌గా అలరించబోతుందంటున్నారు. ఈ చిత్రంలో సాయిధన్సిక ఐపీఎస్‌ అధికారిగా పవర్‌ ఫుల్ పాత్రలో కనిపించబోతుందట. హైదరాబాద్, విశాఖఫట్నం, గోవా లొకేషన్లలో పిక్చరైజ్‌ చేసామని చిత్ర నిర్మాత అశోక్ షిండే చెప్పారు. ఈ చిత్ర చిత్రీకరణకు మొత్తం 45 రోజుల‌్లో పూర్తయింందట. మంత్ర, మంగళ చిత్రాల్లాగే దక్షిణ కూడా ట్రెండ్ సెట్‌ చేస్తుందని ఆశాభావం వ్యక్తం చేస్తున్నారు చిత్ర నిర్మాత అండ్ టీమ్‌.
సాయి ధన్సిక, రిషబ్ బసు, సుభాష్, ఆనంద భారతి తదితరులు నటిస్తున్న ఈ చిత్రానికి ఛాయాగ్రహణం : నర్సింగ్, సంగీతం : బాలాజీ, నిర్మాణ సంస్థ: కల్ట్ కాన్సెప్ట్స్, నిర్మాత : అశోక్ షిండే, దర్శకత్వం : ఓషో తులసీరామ్.
