OG movie : ప్రస్తుతం పవర్ స్టార్ పవన్ కళ్యాణ్ జానపద చిత్రం “హరి హర వీరమల్లు” సినిమా షూటింగ్ జరుగుతోంది. 2025లో మార్చి 28న ఈ సినిమా విడుదల చేస్తున్నట్టు మేకర్స్ ప్రకటించారు. ఇదిలా ఉండగా, పవన్ కళ్యాణ్ మరో సినిమా ఓజీ తిరిగి సెట్స్ పైకి వెళ్ళడం విశేషం.
డీవీవీ ఎంటర్ టైన్ మెంట్స్ అధినేత, డీవీవీ దానయ్య నేడు, “ఓజీ” సినిమా షూటింగ్ పునః ప్రారంభమైందని ప్రకటించారు. గత ఏడాది ఈ సినిమా షూటింగ్ ఆగిపోయింది. 12 నెలల గ్యాప్ తర్వాత, ఇప్పుడు షూటింగ్ మొదలైంది. సెట్‌లో సుజీత్ తన క్రూతో చర్చించుకుంటున్న ఫోటోను కూడా షేర్ చేశారు.
“#OG ఫీవర్‌లో మళ్లీ అడుగు పెడుతున్నాం. పిచ్చెక్కినట్లుగా పని చేస్తాం” అని టీమ్ సోషల్ మీడియాలో రాశారు. ప్రియంక మోహన్ హీరోయిన్. బాలీవుడ్ నటుడు ఇమ్రాన్ హాష్మి విలన్ గా నటిస్తున్నాడు . థమన్ సంగీతం అందిస్తున్నారు. ఈ సినిమాను 2025 రెండవ భాగంలో విడుదల చేయాలని మేకర్స్ ప్లాన్ చేస్తున్నారు.
