NTR : యంగ్ టైగర్ యన్టీఆర్ రీసెంట్ గా ‘దేవర’తో ప్రేక్షకులను అలరించి, విమర్శకుల ప్రశంసలు అందుకున్న సంగతి తెలిసిందే. ఈ విజయానికి ప్రేక్షకులు, అభిమానులు, చిత్రబృందం అందరూ కలిసి కృషి చేశారని ఎన్టీఆర్ తన హృదయపూర్వక కృతజ్ఞతలు తెలిపారు. “దేవర” చిత్రం కేవలం ఒక సినిమా మాత్రమే కాదు, గత నెల రోజులుగా ప్రేక్షకులకు పండుగలాంటి అనుభవాన్ని అందించింది. ఈ విజయం నన్ను మరింత కృషి చేయడానికి ప్రేరేపిస్తోంది. ఎల్లప్పుడూ గర్వపడే చిత్రాలను ప్రేక్షకుల ముందుకు తీసుకురావడమే నా లక్ష్యం” అని ఎన్టీఆర్ పేర్కొన్నారు.
ప్రస్తుతం దేవర విజయోత్సాహంలో ఉన్న ఎన్టీఆర్ తన తదుపరి చిత్రాల కోసం సన్నద్ధమవుతున్నారు. ప్రముఖ దర్శకుడు ప్రశాంత్ నీల్ దర్శకత్వంలో నటిస్తున్న చిత్రం త్వరలోనే ప్రారంభం కానుంది. ఈ చిత్రం నవంబర్ నెలలో ప్రారంభమ వుతుందని తెలుస్తోంది. ఆసక్తికరమైన విషయమేమిటంటే, ఎన్టీఆర్ లేని సన్నివేశాలతో చిత్రీకరణ ప్రారంభం కానుంది.
అదే నెలలోనే బాలీవుడ్ సూపర్ స్టార్ హృతిక్ రోషన్‌తో కలిసి నటిస్తున్న ‘వార్ 2’ చిత్రం కోసం కీలక షెడ్యూల్‌లో పాల్గొననున్నారు. ఈ రెండు పెద్ద బడ్జెట్ చిత్రాల మధ్య ఎన్టీఆర్ ఎలా సమయాన్ని సమన్వయం చేసుకుంటారో చూడాలి. ‘వార్ 2’ చిత్రం ఎన్టీఆర్‌కు బాలీవుడ్‌లో అరంగేటం కానుంది. ఈ చిత్రంలో ఎన్టీఆర్ ఎలాంటి పాత్రలో కనిపించబోతున్నారో తెలియాలంటే మరికొంత కాలం వేచి చూడాల్సిందే.
