Tollywood : టాలీవుడ్ లో న్యూ ఫేస్ .. చిమటా రమేష్ బాబు హీరోగా, ఆయన స్వీయ దర్శకత్వంలో రూపొందించిన చిత్రం “నేను – కీర్తన” . ఈ మూవీ ప్రి రిలీజ్ అండ్ ట్రైలర్ లాంచ్ ఈవెంట్ ప్రసాద్ ల్యాబ్‌లో చాలా గ్రాండ్ గా జరిగింది. ఈ వేడుకలో చిత్ర యూనిట్‌తో పాటు ప్రముఖ నిర్మాత డి.ఎస్.రావు, మహిళా మణులు శోభారాణి, పద్మినీ నాగులపల్లి, గిడుగు కాంతికృష్ణ, వాసిరెడ్డి స్పందన పాల్గొని చిత్రానికి శుభాకాంక్షలు తెలిపారు.
ఈ వేడుకలో పాల్గొన్న అతిథులు .. చిమటా రమేష్ బాబుకు హీరోగా తిరుగులేని పునాది వేయాలని ఆకాంక్షించారు. ట్రైలర్‌లో సక్సెస్ కళ పుష్కలంగా కనిపిస్తోందని, ఈనెల 30న ప్రేక్షకుల ముందుకు వస్తున్న “నేను – కీర్తన” ఘన విజయం సాధించాలని ఆకాంక్షించారు. చిమటా ప్రొడక్షన్స్ పతాకంపై చిమటా రమేష్ బాబును దర్శకుడిగా పరిచయం చేస్తూ, చిమటా రమేష్ బాబు (సి.హెచ్.ఆర్) – రిషిత – మేఘన హీరోహీరోయిన్లుగా నటించిన ఈ చిత్రాన్ని చిమటా జ్యోతిర్మయి (యు.ఎస్.ఎ) సమర్పణలో చిమటా లక్ష్మికుమారి నిర్మించారు. “నేను – కీర్తన” చిత్రం పై భారీ అంచనాలు నెలకొన్నాయి. ఈ చిత్రం ఈనెల 30న ప్రేక్షకుల ముందుకు రానుంది.
