NBK 109 : నటసింహం నందమూరి బాలకృష్ణ.. మాస్ దర్శకుడు బాబీ దర్శకత్వంలో నటిస్తున్న యాక్షన్ ఎంటర్ టైనర్ ప్రస్తుతం చిత్రీకరణ దశలో ఉంది. సితార ఎంటర్‌టైన్‌మెంట్స్‌, ఫార్చ్యూన్‌ ఫోర్‌ సంస్థలు సంయుక్తంగా నిర్మిస్తున్న ఈ సినిమాపై భారీ అంచనాలు నెలకొన్నాయి. బాలయ్యకిది 109వ చిత్రం.
ఈ చిత్రం మొదట దసరా బరిలో నిలుస్తుందని ప్రచారం జరిగింది. అయితే కొన్ని కారణాల వల్ల విడుదల వాయిదా పడింది. తర్వాత డిసెంబర్‌లో విడుదల చేయాలని భావించారు. కానీ తాజా సమాచారం ప్రకారం, చిత్రబృందం సంక్రాంతిని లక్ష్యంగా చేసుకుని పనులు చేస్తున్నారు.
ఇప్పటికే అనేక చిత్రాలు సంక్రాంతికి విడుదల చేయాలని ప్రకటించాయి. ఈ నేపథ్యంలో బాలకృష్ణ చిత్రం కూడా సంక్రాంతి రేసులోకి చేరడంతో పోటీ మరింత రసవత్తరంగా మారింది. బాలకృష్ణ చిత్రాలు సంక్రాంతికి విడుదలై ఎన్నోసార్లు విజయం సాధించిన నేపథ్యంలో ఈ సినిమాపై అభిమానులు భారీగా ఆశలు పెట్టుకున్నారు. మెగాస్టార్ చిరంజీవి విశ్వంభర చిత్రంతో అదే సంక్రాంతి బరిలోకి ఎప్పుడో దిగారు. జనవరి 10న చిరు విశ్వంభర విడుదల కాబోతోంది. మరి ఈ సారి ఇద్దరిలో పైచేయి ఎవరిదో చూద్దాం.
