NBK 109 : నటసింహం నందమూరి బాలకృష్ణ, బాబీ కొల్లి కాంబినేషన్ లో రూపొందుతున్న 109వ చిత్రం అభిమానుల్ని తెగ ఊరిస్తోంది. గత మూడు సినిమాల సూపర్ సక్సెస్ తర్వాత, ఈ చిత్రం మరో హ్యాట్రిక్‌ను సాధిస్తుందనే ఆశతో ఎంతగానో ఎదురుచూస్తున్నారు. ఈ చిత్రం ఎప్పుడు విడుదలవుతుందనేది ప్రస్తుతం ప్రధాన చర్చాంశంగా మారింది.
గత కొన్ని రోజులుగా వచ్చే ఏడాది సంక్రాంతి కానుకగా ఈ చిత్రం ప్రేక్షకుల ముందుకు రానుందనే వార్తలు వినిపిస్తున్నాయి. అయితే తాజా సమాచారం ప్రకారం, మేకర్స్ డిసెంబర్ 2న చిత్రాన్ని విడుదల చేయాలని భావిస్తున్నట్లు తెలుస్తోంది. డిసెంబర్ 2న బాలకృష్ణ భారీ హిట్ చిత్రం “అఖండ” విడుదలైన విషయం తెలిసిందే. ఈ సెంటిమెంట్‌ను దృష్టిలో ఉంచుకుని, మేకర్స్ ఈ తేదీనే తమ చిత్రాన్ని విడుదల చేయాలని ప్లాన్ చేస్తున్నట్లు సమాచారం.
అయితే ఈ విషయంపై అధికారిక ప్రకటన రావాల్సి ఉంది. బాలకృష్ణ అభిమానులు ఈ చిత్రం ఎప్పుడు విడుదలవుతుందనే విషయంలో ఆసక్తిగా ఎదురు చూస్తున్నారు. ఈ చిత్రం సంక్రాంతికి వస్తుందా లేదా డిసెంబర్‌లోనే విడుదలవుతుందా అనేది త్వరలోనే తెలియనుంది.
