NBK 109 glimpse : నటసింహ నందమూరి బాలకృష్ణ , బాబీ కొల్లి కాంబినేషన్ లో ఒక సినిమా సెట్స్ పై ఉన్న సంగతి తెలిసిందే. NBK 109 వర్కింగ్ టైటిల్ గా ఈ చిత్రం తెరకెక్కుతోంది. బాలయ్య పుట్టినరోజు సందర్భంగా అభిమానులను సంతోషపెట్టడానికి మేకర్స్ ఒక అదిరిపోయే వీడియో గ్లింప్స్ ను వదిలారు.
విడుదలైన ఈ గ్లింప్స్ వీడియో లో బాలకృష్ణ భయంకరంగా కనిపిస్తాడు దుష్టశిక్షణ చేసే రాక్షసుడిగా ఎలివేట్ అవుతాడు. థమన్ బ్యాక్ గ్రౌండ్ స్కోర్ అందించాడు, ప్రస్తుతం ఈ వీడియో సోషల్ మీడియాలో వైరల్ అవుతోంది. టైటిల్‌తో సహా మరిన్ని వివరాలను మేకర్స్ వెల్లడించలేదు.
బాబీ డియోల్, ఊర్వశి రౌతేలా, చాందిని చౌదరి తదితరులు ఈ చిత్రంలో కీలక పాత్రలు పోషిస్తున్నారు. సితార ఎంటర్‌టైన్‌మెంట్స్‌కు చెందిన నాగ వంశీ మరియు ఫార్చ్యూన్ ఫోర్ సినిమాకి చెందిన సాయి సౌజన్య నిర్మాణంలో రూపొందుతోన్న ఈ చిత్రం రిలీజ్ డేట్ ను ఇంకా అనౌన్స్ చేయలేదు.
