Nayanathara : కొత్త కథలతో ప్రేక్షకులను అలరిస్తూ వస్తున్న అగ్ర నటి నయనతార మరోసారి కొత్త ప్రాజెక్టుకు గ్రీన్ సిగ్నల్ ఇచ్చారు. ఇటీవల విజయ్ సేతుపతితో ‘మహారాజ’ సినిమా తెరకెక్కించి విమర్శకుల ప్రశంసలు అందుకున్న దర్శకుడు నిథిలన్ స్వామినాథన్ దర్శకత్వంలో నయనతార నటించనున్నారు.
ఈ సినిమా మహిళా ప్రాధాన్య చిత్రంగా తెరకెక్కనుంది. నయనతార తనదైన నటనతో ఈ సినిమాలో మెరవనున్నారని సమాచారం. ప్రస్తుతం ఈ చిత్రానికి ‘మహారాణి’ అనే పేరు పరిశీలనలో ఉంది. ప్రీ-ప్రొడక్షన్ పనులు శరవేగంగా సాగుతున్నాయి. త్వరలోనే ఈ చిత్రం గురించి అధికారిక ప్రకటన రానుంది.
నయనతార ఎల్లప్పుడూ కొత్త కథలను ఎంచుకోవడంలో ముందు వరుసలో ఉంటారు. ఈ సినిమా కూడా ఆమె కెరీర్‌లో మరో మైలురాయిగా నిలవనుందని ఆమె అభిమానులు ఆశిస్తున్నారు.
