హిందీ కన్నా తెలుగు సినిమాలకే నా ప్రయారిటీ : నవీన్‌ పొలిశెట్టి

జవాన్ రిలీజ్ డేట్ ప్రకటించారు. అప్పుడు ఎంతో టెన్షన్ పడ్డా. పెద్ద సినిమాతో వస్తున్నాం బాక్సాఫీస్ దగ్గర ఎలా ఉంటుందో అనే కంగారు ఉండేది. మేము మంచి సినిమా చేశాం. ప్రేక్షకులకు నచ్చుతుందని తెలుసు. కానీ సోలో గా వస్తే బాగుండేది కదా అనిపించింది. కానీ ప్రేక్షకులు మా సినిమాను సూపర్ హిట్ చేశారు.

మెగాస్టార్ చిరంజీవి గారు సినిమా చూసి రివ్యూ ఇచ్చారు. మాతో రెండు గంటలపాటు మాట్లాడారు. నా పర్ ఫార్మెన్స్ గురించి ఆయన చెబుతుంటే చాలా హ్యాపీగా అనిపించింది. ఆ తర్వాత మహేశ్ బాబు, రవితేజ, రాజమౌళి, చరణ్ గారు, సమంత..ఇంకా చాలా మంది చూసి వాలెంటరీగా రియాక్ట్ అయ్యారు.ఇప్పటిదాకా నాకు దక్కిన మూడు సక్సెస్ ఫుల్ మూవీస్ ఒక్కోటి నా కెరీర్ కు ఒక్కో రకంగా హెల్ప్ చేశాయి.

నా ఫస్ట్ మూవీకి ముందు యూట్యూబ్ వీడియోస్ చేశాను. అవి చూసి బాగున్నాయి అన్నా ఎవరూ నామీద ఇన్వెస్ట్ చేసేందుకు ముందుకు రాలేదు. అలా మొదట వచ్చింది మా ఏజెంట్ సాయి శ్రీనివాస ప్రొడ్యూసర్. ఆ సినిమా నేను బాగా పర్ ఫార్మ్ చేయగలను అని ప్రూవ్ చేసింది. జాతి రత్నాలు టైమ్ లో పాండమిక్ వచ్చింది. అప్పుడు సినిమాలు థియేటర్ లో చూడరు అన్నారు. కానీ ఆ సినిమాకు వచ్చిన కలెక్షన్స్ చూసి…నవీన్ సినిమా థియేటర్ లో బాగా పే చేస్తుందనే నమ్మకం ప్రొడ్యూసర్స్, బయ్యర్స్ లో వచ్చింది. ఇప్పుడు మిస్ శెట్టి మిస్టర్ పోలిశెట్టితో నేను కేవలం కామెడీ మాత్రమే కాదు ఎమోషన్ కూడా చేయగలను అని నిరూపించుకున్నా.

మనం పర్పెక్ట్ గా ట్రై చేస్తే తప్పకుండా సక్సెస్ అవుతుందని ఛాలెంజ్ గా తీసుకుని చేశాను. ఇక్కడ కూడా స్టాండప్ కామెడియన్స్ కు ఆదరణ పెరిగితే హ్యాపీ. సినిమాలు చూడకముందే చాలా మంది తమ అభిప్రాయాలు చెబుతుంటారు. కానీ చూసిన తర్వాతే సరైన రివ్యూ వస్తుందని నా నమ్మకం. సినిమాలో చివరి 30 మినిట్స్ చేసిన పర్ ఫార్మెన్స్ నేను గతంలో ఎప్పుడూ ఎక్సీపిరియన్స్ చేయలేదు. ఎమోషన్, డ్రామా ప్రేక్షకులకు బాగా నచ్చాయి.

నిన్న ప్రసాద్ ఐమ్యాక్స్ లో సినిమా చూశా. ఒక పెద్దావిడ 80 ఏళ్లుంటాయి. వాళ్ల అబ్బాయితో వచ్చి మూవీ చూసింది. ఆమె 15 ఏళ్లుగా సినిమాలు చూడలేదట. మా సినిమా ఆమెకు బాగా నచ్చిందని చెప్పింది.

సీన్ పేపర్ లో ఉన్నది ఉన్నట్లు చేయడం నాకు ఇష్టం ఉండదు. రేపు చేసే సీన్ గురించి రాత్రే దర్శకుడితో మాట్లాడి పూర్తి క్లారిటీ తీసుకుంటా. హిందీలో రాజ్ కుమార్ హిరాణీ గారి మూవీస్ ఇష్టం. తెలుగులో భైరవ ద్వీపం, ఆదిత్య 369 నా ఫేవరేట్ మూవీస్. ప్రతి మూవీ సక్సెస్ నాపై హీరోగా బాధ్యత పెంచుతుంటుంది. ప్రస్తుతం మూడు సినిమాల్లో నటిస్తున్నా. వాటి స్క్రిప్ట్స్ లాక్ అయ్యాయి. నెక్ట్ ఇయర్ మూడు మూవీస్ ఒక్కొక్కటిగా సెట్స్ మీదకు వెళ్తాయి. వాటి అప్ డేట్స్ నేనే మీకు చెప్తా. నా ప్రయారిటీ ప్రస్తుతానికి తెలుగులో నటించడమే.

ఈ మాటలు చెప్పింది.. మిస్ శెట్టి మిస్టర్‌ పొలిశెట్టితో సూపర్‌ సక్సెస్‌ అందుకున్న నవీన్‌ పొలిశెట్టి. ఈ సినిమా బాక్సాఫీస్ హిట్ అయిన సందర్భంగా పాత్రికేయ మిత్రులతో తన ఆనందాన్ని పంచుకున్నారు.