‘శిశుర్వేత్తి పశుర్వేత్తి వేత్తిగాన రస:ఫణి’ అన్నారు. సంగీతానికి పశువులు, పాములే కాదు శిశువులు కూడా పరవశించిపోతారని దాని భావం. అయితే ఈ నానుడిని నిజంగానే నిజం చేసింది మెగాస్టార్ మనవరాలు. ఈ చిచ్చరపిడుగు గురించి ప్రత్యేకించి చెప్పనక్కర్లేదు. లాక్ డౌన్ టైమ్ లో తాత చిరంజీవి ఒళ్ళో కూర్చుని మీ మీ మిమ్మిమీ అనే పాటను పెట్టమని అల్లరి చేసింది ఈ చిన్నారి. ఇప్పుడు సరిగ్గా అల్లు అర్జున్ అలవైకుంఠ పురములో చిత్రంలోని రాములో రాములా పాటకి కూడా క్యూట్ ఎక్స్ ప్రెషన్స్ ఇచ్చి వైరల్ అయింది.
చిరంజీవి చిన్నకూతురు శ్రీజ, అల్లుడు కళ్యాణ్ దేవ్ దంపతులు తమ చిన్నారి నవిష్క అల్లరిని తరుచుగా షూట్ చేస్తూ సోషల్ మీడియాలో పోస్ట్ చేస్తుంటారు. ఇప్పుడు రాములో రాములో పాటకి నవిష్క డ్యాన్స్ స్టెప్స్ కూడా షేర్ చేశారు. బన్నీ ఆ పాటలో తన తలను సవరించుకోవడం, మెడమీద చేత్తో పాముకోవడం ఇమిటేట్ చేస్తూ నవిష్క ఇచ్చిన ఎక్స్ ప్రెషన్ కు మంచి రెస్పాన్స్ వచ్చింది. మొత్తం మీద ఆ చిన్నారి కూడా పెద్దయ్యాకా .. ఒక డ్యాన్సింగ్ స్టార్ అవుతుందని అంచనా వేస్తున్నారు.
