Hit 3 : నేచురల్ స్టార్ నానీ హీరోగా నటిస్తోన్న మర్డర్ ఇన్వె్స్టిగేటివ్ థ్రిల్లర్ హిట్ 3. ఈ చిత్రం ప్రస్తుతం విశాఖపట్నం సెంట్రల్ జైలులో షూటింగ్ జరుపు కుంటోంది. ఈ సినిమా కోసం నాని తన షెడ్యూల్‌ను గోప్యంగా ఉంచి, అభిమానులకు ఆశ్చర్యం కలిగించారు. జైలు వాతావరణంలో కీలక సన్నివేశాలను చిత్రీకరించడం విశేషం.
దర్శకుడు శైలేష్ కొలను తన గత చిత్రం ‘సైంధవ్’ పరాజయం తర్వాత ‘హిట్ 3’తో తిరిగి ఫామ్‌లోకి రావాలని ప్రయత్నిస్తున్నారు. ‘హిట్’ సిరీస్ తనకు మంచి గుర్తింపు తెచ్చిపెట్టిందని భావిస్తున్న శైలేష్, ఈ సిరీస్‌ను మరింత ఎత్తుకు తీసుకెళ్లాలని భావిస్తున్నారు.
నటీనటులు, సినిమా యూనిట్ కొన్ని రోజుల పాటు విశాఖపట్నంలోనే ఉండి షూటింగ్ పూర్తి చేయనున్నారు. తర్వాత హైదరాబాద్‌కు తిరిగి వెళ్లి మిగతా భాగాన్ని చిత్రీకరించనున్నారు. మరోవైపు, నాని తన వరుస విజయాలతో ఫుల్ జోష్‌లో ఉన్నారు. ‘సరిపోదా శనివారం’ చిత్రం తర్వాత ‘హిట్ 3’తో మరో హిట్ కొట్టాలని ఆశిస్తున్నారు.
