Nandamuri Mokshagna : నట సింహం నందమూరి బాలకృష్ణ నటవారసుడు మోక్షజ్ఞ సినిమా ఇక వాయిదా లేకుండా ప్రారంభం కానుంది. ప్రముఖ దర్శకుడు ప్రశాంత్ వర్మ దర్శకత్వంలో రూపొందుతున్న ఈ సినిమాను బాలకృష్ణ కుమార్తె తేజస్విని , సుధాకర్ చెరుకూరి సంయుక్తంగా నిర్మిస్తున్నారు. ఆధ్యాత్మిక అంశాలతో కూడిన సోషియో ఫాంటసీ అడ్వెంచర్‌ థ్రిల్లర్‌గా ఈ సినిమా రూపొందనుంది.
ప్రశాంత్ వర్మ సినిమాటిక్ యూనివర్స్‌లో భాగంగా ఈ సినిమాను రూపొందిస్తున్నారు. దాదాపు రూ.100 కోట్ల భారీ బడ్జెట్‌తో ఈ సినిమాను నిర్మిస్తున్నట్లు తెలుస్తోంది. ఇప్పటికే ఈ సినిమాకు సంబంధించిన పూర్వ నిర్మాణ పనులు చకచకా సాగుతున్నాయి. త్వరలోనే ఈ సినిమాకు సంబంధించిన ఇతర నటీనటులతో పాటు మరిన్ని వివరాలను చిత్రబృందం వెల్లడించనుంది.
ఐఫా అవార్డ్స్‌ వేడుకలో బాలకృష్ణ మాట్లాడుతూ తన తనయుడు మోక్షజ్ఞ తొలి చిత్రం డిసెంబర్‌లో ప్రారంభం కానుందని స్పష్టం చేశారు. నందమూరి ఫ్యాన్స్‌కు ఈ వార్త ఎంతో ఆనందాన్ని కలిగిస్తోంది. మోక్షజ్ఞ సినిమా భారీ అంచనాలతో తెరకెక్కుతుండడంతో ఫ్యాన్స్‌ ఆసక్తిగా ఈ సినిమా కోసం ఎదురు చూస్తున్నారు.
