Nanmuri Kalyanram : నందమూరి కళ్యాణ్ రామ్ హీరోగా, ప్రదీప్ చిలుకూరి దర్శకత్వంలో ఓ యాక్షన్ థ్రిల్లర్ తెరకెక్కుతోన్న సంగతి తెలిసిందే. ఈ చిత్రాన్ని అశోక్ వర్ధన్ ముప్పా మరియు సునీల్ బలుసు సంయుక్తంగా నిర్మిస్తున్నారు. సయీ మంజ్రేకర్ కథానాయికగా నటిస్తుండగా, విజయశాంతి, సోహైల్ ఖాన్, శ్రీకాంత్ తదితరులు కీలక పాత్రలు పోషిస్తున్నారు. ఈ చిత్రం తన చివరి దశకు చేరుకున్న తరుణంలో, దాదాపు 15 రోజుల పాటు సాగే కొత్త షెడ్యూల్‌ను వైజాగ్‌లో ప్రారంభించింది.
ఈ షెడ్యూల్‌లో భారీ యాక్షన్ సీక్వెన్స్‌తో పాటు, విజయశాంతి, శ్రీకాంత్, సయీ తదితరులపై కీలక సన్నివేశాలు చిత్రీకరించనున్నారు. ఈ చిత్రంలో కళ్యాణ్ రామ్ మునుపెన్నడూ చూడని శక్తిమంతమైన పాత్రలో కనిపించనున్నారని చిత్ర బృందం తెలిపింది. అజనీశ్ లోక్‌నాథ్ ఈ చిత్రానికి సంగీతం అందిస్తుండగా, రామ్ ప్రసాద్ ఛాయాగ్రహణం నిర్వహిస్తున్నారు. ఈ చిత్రం త్వరలోనే ప్రేక్షకుల ముందుకు రానుంది.
