Akhanda 2 : నటసింహం నందమూరి బాలకృష్ణ, మాస్ చిత్రాల దర్శకుడు బోయపాటి శ్రీను కాంబినేషన్ లోని మూడవ చిత్రం ‘అఖండ’ బాక్సాఫీస్ వద్ద O ఏ రేంజ్ లో సంచలనం సృష్టించిందో తెలిసిందే. ఇప్పుడు నాలుగో సారి వీరిద్దరూ కలిసి వస్తున్నారు. ‘అఖండ 2’ అనే పేరుతో ఈ సినిమా రూపొందుతోంది. ఈ చిత్రం ‘తాండవం’ అనే ట్యాగ్ లైన్ తో తెరకెక్కుతోంది.
నేడు ఈ సినిమా ప్రారంభోత్సవం హైదరాబాద్‌లో జరిగింది. మిర్యాల రవీందర్ రెడ్డి ‘అఖండ’ ను నిర్మించగా, ‘అఖండ 2’ ను 14 రీల్స్ ప్లస్ బ్యానర్‌పై రామ్ ఆచంట, గోపిచంద్ ఆచంట సంయుక్తంగా నిర్మిస్తున్నారు. బాలకృష్ణ కుమార్తె ఎం తేజస్విని ఈ చిత్రానికి ప్రజెంటర్‌గా చేస్తున్నారు. ఈ సినిమాను పాన్ ఇండియన్ చిత్రంగా నిర్మించేందుకు ప్లాన్లు చేస్తున్నారు. ‘అఖండ 2’కు ఎస్ థమన్ సంగీతం అందిస్తున్నారు.
