Nagendran’s Honemoons : ప్రస్తుతం మలయాళ సినిమా లు అద్భుతాలు చేస్తున్నాయి. చాలా చిన్న బడ్జెట్‌తో రూపొంది కోట్ల కలెక్షన్స్ రాబడుతున్నాయి. ప్రేమలు, మంజుమ్మల్ బాయ్స్, భ్రమయుగం, ఆవేశం, ఆడు జీవితం వంటి సినిమాలు భాషతో సంబంధం లేకుండా.. ఆడియన్స్ ను ఆకట్టుకోవడంతో పాటు అత్యధిక వసూళ్ళు రాబడు తున్నాయి.
ఈ క్రమంలో ఓటీటీలో వచ్చే మలయాళ మూవీస్, వెబ్ సిరీసులకు బోలెడంత ఫాలోయింగ్ ఉంటుంది. చిన్న వెరైటీ పాయింట్ తో, డిఫరెంట్ టేకింగ్ తో అందరినీ కట్టిపడేసే స్ర్కీన్ ప్లే తో మ్యాజిక్ చేస్తుంటాయి ఆ సినిమాలు. ఈ నేపథ్యంలో త్వరలో ఒక మలయాళ కామెడీ వెబ్ సిరీస్ రాబోతోంది.
మలయాళ నేషనల్ అవార్డ్ విన్నర్ సూరజ్ వెంజరమూడ్ మెయిన్ లీడ్ లో నటించిన మలయాళ వెబ్ సిరీస్ నాగేంద్రన్స్ హనీమూన్స్. దీనికి 1 జీవితం 5 గురు భార్యలు అనేది ట్యాగ్ లైన్ . ఇదివరకు విడుదల చేసిన పోస్టర్ ఎంతో ఆసక్తిగా ఉండటమే కాకుండా ఆశ్చర్యపరిచింది. ఇటీవల నాగేంద్రన్ హనీమూన్ వెబ్ సిరీస్ టీజర్ కూడా విడుదల చేశారు. దీనికి మంచి రెస్పాన్స్ వచ్చింది. డిస్నీ ప్లస్ హాట్ స్టార్ లో ఆగస్ట్ 17 నుంచి స్ట్రీమింగ్ కాబోతోంది.
