బిగ్‌బాస్ ఫేమ్‌ అమర్దీప్ హీరోగా లిషి కల్లపు ఫిమేల్ లీడ్‌ తో పీకాక్‌ మూవీ బ్యానర్‌ పై ‘నా నిరీక్షణ ‘ అనే మూవీ ప్రారంభమైంది. సాయి వర్మ దాట్ల డైరెక్షన్‌లో పి. సంతోష్‌ రెడ్డి ఈ చిత్రాన్ని నిర్మిస్తున్నారు. దసరా సందర్భంగా ఈ చిత్రం గ్రాండ్‌ గా పూజా కార్యక్రమాలతో ప్రారంభమైంది. ఈ ఓపెనింగ్ కార్యక్రమానికి ప్రముఖ నిర్మాతలు దిల్‌రాజు, డి సురేష్‌బాబులు విచ్చేసారు. ముహూర్తపు సన్నివేశానికి దిల్ రాజు క్లాప్ కొట్టగా.. రాజా రవీంద్ర స్క్రిప్ట్ అందజేశారు. నిర్మాత గణపతి రెడ్డి కెమెరా స్విచాన్ చేశారు. సురేష్‌ బాబు, దిల్ రాజులు చిత్ర యూనిట్‌కి శుభాకాంక్షలు తెలియజేయగా.. చిత్ర యూనిట్ వీరికి ధన్యవాదాలు తెలియజేసారు.
