Megha Akash : తెలుగు సినీ ప్రేక్షకులకు సుపరిచితమైన నటి మేఘా ఆకాశ్ తన ప్రియుడు సాయి విష్ణుతో వివాహ బంధంలోకి అడుగు పెట్టారు. ఈ వివాహ వేడుక చెన్నైలో ఘనంగా జరిగింది. శనివారం సాయంత్రం జరిగిన రిసెప్షన్‌కు తమిళనాడు ముఖ్యమంత్రి స్టాలిన్‌ హాజరై కొత్త జంటను ఆశీర్వదించారు.
వివాహ వేడుకలో ఇరు కుటుంబాల పెద్దలతో పాటు సినీ, రాజకీయ ప్రముఖులు పాల్గొని నూతన వధూవరులకు శుభాకాంక్షలు తెలిపారు. మేఘా ఈ సంతోషకరమైన సందర్భాన్ని సామాజిక మాధ్యమాల్లో పంచుకుంటూ, తన జీవితంలో ఇది అత్యంత ఇష్టమైన అధ్యాయమని పేర్కొన్నారు. ‘ఛల్‌ మోహన్‌ రంగా’, ‘రాజ రాజ చోర’ వంటి చిత్రాలతో ప్రేక్షకులను అలరించిన మేఘా ప్రస్తుతం తెలుగులో ‘సహః కుటుంబానామ్‌’ అనే సినిమాతో పాటు మరో చిత్రంలో నటిస్తోంది. ఈ వివాహంతో ఆమె జీవితంలో కొత్త అధ్యాయం ప్రారంభమైంది.
