Mechanic Rocky : టాలీవుడ్ లో తనకంటూ ప్రత్యేక గుర్తింపు తెచ్చుకున్న యువ హీరో విశ్వక్ సేన్. ఇతని తాజా చిత్రం ‘మెకానిక్ రాకీ’ ప్రేక్షకుల్లో ఆసక్తిని రేకెత్తిస్తోంది. విశ్వక్ సేన్ ప్రతి సినిమాలోనూ కొత్త కథాంశాలతో ప్రేక్షకులను అలరిస్తూ వస్తున్న విషయం తెలిసిందే. ఈ సారి కూడా అతడు ‘మెకానిక్ రాకీ’ మూవీతో సరికొత్త రొమాంటిక్, యాక్షన్ ఎంటర్టైనర్‌తో ప్రేక్షకుల ముందుకు రాబోతున్నాడు.
ఈ సినిమాలో మీనాక్షి చౌదరి సాంప్రదాయ చీరలో అందంగా కనిపిస్తుండగా, మరో హీరోయిన్ శ్రద్దా శ్రీనాథ్ స్టైలిష్ అమ్మాయిగా ఆకట్టుకుంటోంది. మొదటగా దీపావళి సందర్భంగా అక్టోబర్ 31న విడుదల చేయాలని భావించిన ఈ చిత్రాన్ని అనుకోని కారణాల వల్ల నవంబర్ 22న విడుదల చేస్తున్నట్టు మేకర్స్ అఫీషియల్ గా ప్రకటించారు . ఇప్పటికే విడుదలైన ఫస్ట్ గేర్ టీజర్, పాటలు ప్రేక్షకులలో మంచి అంచనాలు నెలకొల్పాయి. ముఖ్యంగా, సినిమా కథపై ప్రేక్షకుల్లో ఆసక్తిని పెంచిన టీజర్ యూట్యూబ్ లో మంచి వ్యూవ్స్ అందుకుంది.
తాజా విడుదల తేదీ పోస్టర్‌లో విశ్వక్ సేన్ డిఫరెంట్ లుక్ లో కనిపిస్తూ, ప్రేక్షకుల్లో క్యూరియాసిటీని పెంచాడు. ఈ పోస్టర్ విశ్వక్ పాత్రపై ఆసక్తిని రేకెత్తించింది. ఇక సినిమా థియేట్రికల్ ట్రైలర్ అక్టోబర్ 20న విడుదల కాబోతోంది. ట్రైలర్ సినిమాపై మరింతగా ఆసక్తిని పెంచుతుందని అంచనాలు ఉన్నాయి.
విశ్వక్ సేన్ తన కెరీర్ ప్రారంభం నుండి బాక్సాఫీస్ వద్ద మినిమమ్ సక్సెస్ రేటుతో సినిమాలు చేస్తున్న అతికొద్దిమంది యువ హీరోల్లో ఒకరు. అతను ఎలాంటి సినిమా చేసినా కూడా అందులో సరికొత్త కథాంశం ఉంటుందని ఆడియెన్స్ లో ఒక బలమైన నమ్మకం ఏర్పడింది. మెకానిక్ రాకీ సినిమాను SRT ఎంటర్టైన్‌మెంట్స్ బ్యానర్‌పై రామ్ తల్లూరి నిర్మిస్తున్నారు. వాయిదా కారణంగా లభించిన అదనపు సమయంతో సినిమా ప్రమోషన్‌లను మరింత విస్తృతంగా నిర్వహించేందుకు దర్శక నిర్మాతలు ప్రణాళికలు సిద్ధం చేసుకుంటున్నారు.
