Matka teaser : మెగా ప్రిన్స్ వరుణ్ తేజ్ తన కెరీర్ ప్రారంభం నుంచి వైవిధ్యమైన పాత్రలను ఎంచుకుంటూ ప్రేక్షకులను అలరిస్తున్న ఆయన, ఇప్పుడు మరో కొత్త ప్రయోగంతో ప్రేక్షకుల ముందుకు వస్తున్నారు. అదే ‘మట్కా’. కరుణ కుమార్ దర్శకత్వంలో 1960ల కాలంలోని విశాఖపట్నం నేపథ్యంలో పీరియాడిక్ యాక్షన్ డ్రామాగా ఈ చిత్రం భారీ బడ్జెట్‌తో తెరకెక్కుతోంది. నవంబర్ 14న తెలుగు, హిందీ, తమిళ, కన్నడ, మలయాళ భాషల్లో ఈ చిత్రం విడుదల కానుంది. ఈ నేపథ్యంలో ఈ సినిమా నుంచి అదిరిపోయే టీజర్ ను వదిలారు.
వైరా ఎంటర్‌టైన్‌మెంట్స్, SRT ఎంటర్‌టైన్‌మెంట్స్ సంయుక్తంగా ఈ చిత్రాన్ని నిర్మిస్తున్నాయి. టీజర్‌లో వరుణ్ తేజ్ విభిన్నమైన అవతారాల్లో కనిపించాడు. మాస్, రెట్రో లుక్స్‌తో పాటు పవర్‌ఫుల్ డైలాగ్‌లతో ఆకట్టుకున్నాడు. “ఈ దేశంలో చలామణి అయ్యే ప్రతి రూపాయిలో 90 పైసలు నూటికి ఒక్కరే స్పందిస్తారు. మిగతా 10 పైసల గురించి 99 మంది కొట్టుకుంటారు.. నాలాంటోళ్లు.. నువ్వు ఆ తొంభై పైసలు సంపాదించే ఒక్కడివి.. 99 మందిలో ఒక్కడిగా మిగిలిపోకు.. నీకు ఆ దమ్ము ఉంది..” అంటూ వచ్చే డైలాగ్ టీజర్‌కు హైలైట్.
టీజర్ చివరలో అదిరిపోయే యాక్షన్ సీన్‌తో ఆకట్టుకున్నారు. జీవి ప్రకాష్ కుమార్ అందించిన బ్యాక్‌గ్రౌండ్ స్కోర్ చిత్రానికి మరో ఆకర్షణ. మీనాక్షీ చౌదరి క్యూట్‌గా కనిపిస్తున్నారు. టీజర్‌తో సినిమాపై భారీ అంచనాలు ఏర్పడ్డాయి. వరుణ్ తేజ్ ఈ సినిమాతో మరోసారి విజయాన్ని అందుకుంటారని అభిమానులు ఆశిస్తున్నారు.
