Matka song : మెగా ప్రిన్స్ వరుణ్ తేజ్ నటిస్తోన్న లేటెస్ట్ చిత్రం ‘మట్కా’. పలాస ఫేమ్ కరుణ్ కుమార్ దర్శకత్వంలో ఈ సినిమా తెరకెక్కుతోంది. ఈ చిత్రం నవంబర్ 14న ప్రేక్షకుల ముందుకు రానుంది. 20వ శతాబ్దంలో దేశాన్ని కుదిపేసిన మట్కా గ్యాంబ్లింగ్ స్కామ్‌ల ఆధారంగా ఈ చిత్రం తెరకెక్కుతోంది.
వరుణ్ తేజ్ ‘మట్కా వాసు’ పాత్రలో కనిపించనున్నాడు. మీనాక్షి చౌదరి హీరోయిన్‌గా నటిస్తుండగా, బాలీవుడ్ బ్యూటీ నోరా ఫతేహీ కీలక పాత్రలో నటిస్తున్నారు. జివి ప్రకాష్‌ సంగీతం అందిస్తున్నారు. లేటెస్ట్ గా ఈ సినిమా నుంచి ఫస్ట్ సింగిల్ ను రిలీజ్ చేశారు మేకర్స్.
‘లే లే రాజా’ అంటూ సాగే ఈ పాట ప్రస్తుతం సోషల్ మీడియాను షేక్ చేస్తోంది.
నోరా ఫతేహీ తన గ్లామరస్ లుక్స్‌తో ప్రేక్షకులను మంత్రముగ్ధులను చేసింది. రెట్రో సెట్టింగ్‌లో రూపొందించిన ఈ పాట సంగీతం, గానం, లిరిక్స్ అన్నీ 70ల, 80ల కాల వైభవాన్ని గుర్తు చేస్తున్నాయి. వరుణ్ తేజ్ ‘మట్కా వాసు’ పాత్ర కోసం ఎంతో కష్టపడ్డాడు. కొంతకాలంగా సరైన హిట్స్ లేని వరుణ్ తేజ్ కు మట్కా చిత్రం ఏ రేంజ్ లో పేరు తెస్తుందో చూడాలి.
