Matka movie: వరుణ్ తేజ్ ప్రస్తుతం పాన్ ఇండియా పీరియాడ్ యాక్షన్ డ్రామా ‘మట్కా’లో నటిస్తున్నారు. ఈ సినిమా జూదం ఆధారంగా రూపొందుతోంది. 1950 నుండి 1980 మధ్య విశాఖపట్నంలో జరిగిన కొన్ని నిజ సంఘటనల నుండి ప్రేరణ పొందింది. ‘గుంటూరు కారం’ బ్యూటీ మీనాక్షి చౌదరి కథానాయికగా నటిస్తున్న ఈ కరుణ కుమార్ చిత్రం ఇప్పటివరకు కొన్ని కీలక షెడ్యూళ్లను పూర్తి చేసింది. వీటిలో విశాఖపట్నంలో కొత్త షెడ్యూల్ కూడా ఉంది.
తాజా సమాచారం ప్రకారం మట్కా షూటింగ్‌లో నెక్స్ట్ షెడ్యూల్ జూన్ 12న ప్రారంభం కానుంది. ఈ సినిమా నిర్మాణ బృందం రాబోయే 40 రోజుల షెడ్యూల్‌లో కొన్ని కీలక సన్నివేశాలు, పాటలను చిత్రీకరించడానికి పాత విశాఖపట్నం నేపథ్యాన్ని పునర్నిర్మించడానికి భారీ సెట్లను నిర్మిస్తోంది. ఈ షెడ్యూల్‌లో వరుణ్ తేజ్, మీనాక్షి చౌదరి, బాలీవుడ్ నటి నోరా ఫతేహి, నవీన్ చంద్రతో పాటు చిత్ర ప్రధాన నటీనటులు పాల్గొంటారు. ఈ షెడ్యూల్‌లో షూటింగ్‌లో ఎక్కువ భాగం పూర్తి కానుంది.
