వింటే భారతం వినాలి అనేది సామెత.. ఇప్పుడు వింటే మంగ్లీ పాట వినాలి అన్నట్టుగా ఉంది ట్రెండ్‌. ప్రతీ సినిమాలో మంగ్లీ పాట మామూలైపోయింది. ఫోక్‌ అయినా, స్పెషల్ సాంగ్ అయినా మంగ్లీ గొంతు నుంచి వస్తే.. సూటిగా మ్యూజిక్‌ లవర్స్ గుండెల్లోకి దూరిపోతోంది సాంగ్. ఇప్పుడు సూపర్బ్ డాన్స్‌ స్పెషల్ నెంబర్‌ మ్యూజిక్‌ లవర్స్ ను అలరిస్తోంది. అంతిమ తీర్పు చిత్రం కోసం టిప్పా టిప్పా టిప్పర్‌ లారీ అంటూ సూపర్బ్ సాంగ్‌ను రికార్డ్ చేసారు. ఈ ఈ సాంగ్‌ను వినగానే కుర్రాళ్ల చేత డాన్స్‌ చేయించేలా ఉంది. ఉత్సాహంగా సాగే ఈ పాటను కాసర్ల శ్యామ్‌ రచించారు. సాయిధన్సిక, విమలారామన్‌ , గణేష్‌ వెంకటరామన్‌ , అమిత్‌ తివారీ మెయిన్‌ లీడ్‌ చేసారు. అభిరామ్‌ డైరెక్షన్‌లో సిద్దివినాయక డి రాజేశ్వరరావు నిర్మించారు. హస్కీ వాయిస్‌తో మంగ్లీ పాడిన ఈ పాట ఇప్పుడు సోషల్‌ మీడియాలో వైరల్ అవుతోంది. త్వరలో సెకండ్‌ లిరికల్ సాంగ్ రిలీజ్‌ కు ప్లాన్ చేస్తున్నారు. ప్రస్తుతం పోస్ట్ ప్రొడక్షన్ స్టేజ్‌ లో ఉన్న ఈ సినిమా.. శరవేగంగా వర్క్ పూర్తి చేసి రిలీజ్‌ కు సిద్దం చేస్తున్నారు. అంతిమ తీర్పు రిలీజ్‌ డేట్‌ను త్వరలో ప్రటించనున్నారు.
