Miroy movie : తేజ సజ్జా హీరోగా నటించిన ‘హనుమాన్’ తర్వాత వస్తున్న సినిమా ‘మిరాయ్’. కార్తీక్ ఘట్టమనేని దర్శకత్వం వహించిన ఈ చిత్రం టీజర్ ఇటీవల విడుదలై అందరినీ ఆకట్టుకుంది. ఇప్పుడు మరో సర్ప్రైజ్! ఈ చిత్రంలో మంచు మనోజ్ కీలక పాత్ర పోషించాడు. ఆయన పాత్ర గ్లింప్స్ ఈ నెల 20న విడుదల చేయబోతున్నారు. టీజర్‌లో మనోజ్ పాత్రను చూపించి, చూపించనట్లు మ్యాజిక్ చేశాడు కార్తీక్. ఈసారి పూర్తి స్థాయిలో ఆ పాత్రను పరిచయం చేస్తారు.
మనోజ్ ఈ చిత్రంలో ప్రతినాయకుడిగా కనిపించనున్నాడని సమాచారం. అలాగే, దుల్కర్ సల్మాన్ కూడా ఈ చిత్రంలో ఒక ముఖ్యమైన పాత్ర పోషించనున్నాడు. ఆయన పాత్ర కూడా సర్ప్రైజింగ్ గా రివీల్ చేయాలని చిత్రబృందం భావిస్తోంది. దాదాపు రూ.70 కోట్లతో రూపొందుతున్న ఈ చిత్రం అన్ని భారతీయ భాషలతో పాటు, విదేశీ భాషల్లోనూ విడుదల చేయబోతున్నారు. ‘హనుమాన్’ దాదాపు రూ.200 కోట్లు సాధించిన నేపథ్యంలో ‘మిరాయ్’కి రూ.70 కోట్లు ఖర్చు పెట్టడం పెద్ద విషయం కాదు. ‘మిరాయ్’ 2025 ఏప్రిల్ 18న విడుదల కానుంది.
