ప్రస్తుతం బాలీవుడ్ లో బయోపిక్ ల ట్రెండ్ నడుస్తోంది. ముఖ్యంగా స్పోర్ట్స్ రంగంలో ప్రఖ్యాతి గాంచిన క్రీడాకారులపై పలు చిత్రాలు తెరకెక్కుతున్నాయి. అందులో భారత ఫుట్‌బాల్‌ జట్టుకు కోచ్‌గా ఎనలేని సేవలు అందించిన వ్యక్తి సయ్యద్‌ అబ్దుల్‌ రహీం బయోపిక్ ఒకటి . ప్రస్తుతం బాలీవుడ్‌లో ఆయన జీవితాన్ని ఆధారంగా చేసుకుని ‘మైదాన్’ చిత్రం తెరకెక్కుతోంది. ఈ సినిమాలో బాలీవుడ్ నటుడు అజయ్ దేవగణ్‌ ఫుట్‌బాల్‌ కోచ్‌గా రహీం పాత్రలో కనిపించనున్నాడు. ఈ రోజు ఈ సినిమాకి సంబంధించిన ఫస్ట్‌లుక్‌ను అజయ్ దేవగణ్‌ సోషల్‌మీడియా ద్వారా విడుదల చేశాడు.
అమిత్ రవీంద్రనాథ్ శర్మ దర్శకత్వంలో తెరకెక్కుతోన్న ఈ సినిమా ఈ ఏడాది నవంబర్ 27న విడుదల కానున్నట్టు పోస్టర్ లో మెన్షన్ చేశారు. చేతిలో ఒక గొడుగు, బ్యాగ్ తో అజయ్ ఫుట్ బాల్ ను హుషారు గా తన్నుతున్న పోస్టర్ ఒకటి , అజయ్ దేవ్ గణ్ , అతడి ఫుట్ బాల్ టీమ్ రివీలైన మరొక పోస్టర్ విడుదలయ్యాయి. జీస్టూడియోస్ , బే వ్యూ ప్రాజెక్ట్స్ బ్యానర్ పై బోనీకపూర్ , అరుణవ జాయ్ సేన్ గుప్తా , ఆకాష్ చావ్లా సంయుక్తంగా నిర్మిస్తోన్న ఈ సినిమా లో ప్రియామణి కథానాయికగా నటిస్తోంది. అమిత్ త్రివేదీ సంగీతం అందిస్తోన్న ఈ సినిమాకి తుషార్ కాంతిరే ఛాయాగ్రహకుడు.
